Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Rui Maria de Araujo hatete, kazu foun ne’ebé relata ohin iha Kapital Dili na’in 111, Bobonaro na’in 11, Covalima iha na’in 5, Aileu na’in 2 no Manatuto iha na’in 1.
“Sira ne’ebé idade 12 mai kraik deteta positivu hamutuk na’in 4, idade 12-59 iha na’in 121 hanesan ho pursentu 93,0 no idade 60 ba leten na’in 5. Ho proporsaun kazu sintomátiku hamutuk pursentu 4,6,”dehan nia liu husi komunikadu, sabado ohin (29/05).
Ho nune’e, dadus jéral ba loron ohin iha kazu foun na’in 130, kazu rekuperadu 132 no kazu ativu iha Sala Izolamentu no Auto-Izolamentu hamutuk 2,689.
Komulativu kazu konfirmadu sura husi loron 21 fulan-Marsu tinan 2020 to’o loron 29 fulan-Maiu tinan 2021 hamutuk 6,752.
Husi horiseik (28/05) mai ohin (29/05) teste PCR ne'ebé Laboratóriu Nasionál Saúde halo Dili hamutuk 1,244, kompostu husi, Vijilánsia sentinela 40, Contact tracing 188, Random Screening 432, Viájen sai husi serka sanitária husi Dili 638,Viájen internasionál la iha no Follow up iha kuarentena 19.
Totál testes PCR ne’ebé halo horiseik (28/05) iha Munisipiu sira seluk, RAEOA no HNGV hamutuk 575 ho detalle hanesan tuir mai, Baucau 67, Ermera 111, Maliana 58, Maubisse 118, RAEOA 28, Suai 88, Vikeke 10 no HNGV 85.
Iha Izolamentu Vera Cruz ohin (29/05) halo tratamentu ba kazu detetadu na'in 38, Obstetrísia 15, kategoria leve (mild) hotu. Medisina Interna 21, 9 grave (2 iha ICU uza CPAP, 7 uza oksijéniu), 12 moderadu
Pediatria 1, moderadu, Neonatolojia 1, leve (mild).
Asistente Editor: Saturnina da Costa
