TL Partisipa Sorumutu Nível Alto iha Simeira "ASEAN Inclusive Business" da-VI iha Bali

Maiu 06, 2024

TL Partisipa Sorumutu Nível Alto iha Simeira "ASEAN Inclusive Business" da-VI iha Bali ^Featured

By Saturnina da Costa Agostu 25, 2023 530

Governu Timor-Leste liu husi Sekretáriu Estadu Kooperativa, Arsénio Pereira da Silva no mós Reprezentante husi Vise Primeiru Ministru dahuluk, Ministru Koordenadór Asuntu Ekonómiku no Ministru Turizmu no Ambiente, partisipa iha simeira nível alto ba loron dahuluk iha "The ASEAN Inclusive Business (IB)” ba da-VI, iha Mulia Resort, Nusa Dua, Bali, Indonézia. Foto:Media Gabinete SEKoop.

DILI: Governu Timor-Leste liu husi Sekretáriu Estadu Kooperativa, Arsénio Pereira da Silva no mós Reprezentante husi Vise Primeiru Ministru dahuluk, Ministru Koordenadór Asuntu Ekonómiku no Ministru Turizmu no Ambiente, partisipa iha simeira nível alto ba loron dahuluk iha "The ASEAN Inclusive Business (IB)” ba da-VI, iha Mulia Resort, Nusa Dua, Bali, Indonézia.

Sorumutu ne'e loke direita husi Ministro Kooperativa no SMEs Indonézia nian, Teten Masduki no kontinua kedas ho reuniaun nível altu ne’ebé partisipa husi paízes membru ASEAN nian hodi relata progresu no dezafiu sira ne’ebé hasoru, liga-ho negósiu inkluzivu iha kontestu ASEAN.

“Iha sorumutu ida ne’e, mezmu Timor-Leste invitadu nudar observadór ba eventu ida ne’e, maibé fó oportunidade atu hato'o Timor-Leste nia pozisaun relasiona ho temátiku refere. Nu’udar obeservadór, Timor-Leste nia assesaun kona ba ASEAN iha ona prosesu ida ne’ebé besik kulminasaun, nune’e okaziaun ida ne’e, ativamente ita atu rona, aprende no familiariza assuntu ligadu inklui Negósiu Inkluzivu ASEAN nian ne’ebé estabelese ona dezde tinan 2017 iha Manila,”Online INDEPENDENTE sita iha komunikadu, kuarta (23/08/23).

Entretantu, Paízes membru ASEAN nian ne’ebé partisipa iha eventu ne’e mak hanesan, Indonesia (uma nain), Malaysia, Thailandia, Singapore, Filipina, Vietnam, Brunei Darussalam, Laos PDR, Cambodia, Myanmar no Timor-Leste.

Rate this item

(0 votes)