Tiago Sarmento Nomeadu ba Vogal Efetivu Konsellu Superior Judisial Featured

By Juñu 17, 2020 2320
Tiago Amaral Sarmento nu'udar vogal efetivu ba Konsellu Superiór Majistratura Judisiál (KSMJ). Tiago Amaral Sarmento nu'udar vogal efetivu ba Konsellu Superiór Majistratura Judisiál (KSMJ).

DILI: Governu liuhusi enkontru Konsellu Ministrus Ohin (17/06), deside hodi nomeia Tiago Amaral Sarmento nu'udar vogal efetivu ba Konsellu Superiór Majistratura Judisiál (KSMJ) ba mandate tinan haat (4).

Projeitu rezolusaun ne'e aprezenta husi Ministru Justisa Manuel Cárceres da Costa no hetan aprovasaun iha Konsellu Ministrus.

Hafoin enkontru Konsellu Ministrus, ba jornalista sira, Ministru Justisa, Manuel Cárceres da Costa esplika katak  Konsellu ida-ne'e ninia knaar maka jere no hatuur disiplina ba atividade sira Majistradu Judisiál nian nomós nomeia, koloka, transfere no promove juiz sira iha Timor-Leste.

Juiz Prezidente hosi Supremu Tribunál Justisa maka prezide Konsellu Superiór Majistratura Judisiál no kompostu hosi vogal na'in-haat no, ida Governu maka nomeia.

Nune'e Governu deside eis Vogal Konsellu Superior Defensoria Públika (2008-2011) dezignadu husi PN, eis Konsellu Superior Ministériu Públiku dezignadu husi Prezidente Repúblika (2012-2017) ne'e hodi reprezenta Governu iha Konsellu Superiór Majistratura Judisiál.

Tiago ho esperensia nuudar Assesor Jurídiku Gabinete Reprezentante Sekjer Nasoens Unidus (SRSG), iha Parlamentu Nasional, Governu ho Prezidente Repúblika Taur Matan Ruak, kuaze Tinan sanulu resin hat (14).

Rate this item
(0 votes)

Independente Digital TV