Relasiona ho kazu ne’e, Online Independente konfirma Doutór ida ne’ebé mós envolve iha Ekipa Konjunta Saúde hatete, loos duni katak ema deskoñesidu tuda sira, iha loron-tersa, horas tuku 10:00 kalan.

"Horseik kalan tuku 10 ekipa epidemolojia ho PNTL ba foti ema ida positivu Covid-19 iha Kaikoli, Aldea Zero II, no kontinua atu halo teste swab ba famalia 11 iha fatin ne’e maibé la konsege foti sira nia amostra swab tanba ema deskonhesidu tuda ami nia ekipa,"dehan Doutór. ne’e lakohi fó sai nia indentidade, iha Kaikoli horikalan.

Nia dehan, ekipa konjunta saúde hapara kedas atividade amostra swab iha Kaikoli, no sei kontinua kuarta ohin dader.

Entretantu Segundu Komandante Munisipiu Dili, Superintendente Polisia, Euclide Belo rekoñese katak akontesimentu tuda ne’e loos.

Nia esplika, kazu tuda ekipa konjunta saúde ne’e akontese iha tersa kalan, tuku 7:00, bainbhira ekipa professional sira atu ba foti amostra iha Kaikoli.

Maibé husi akontesimentu, laiha ema ida kanek no grupu halo asaun tuda ne’e halai lakon hotu. Mesmu nunee, tuir Belo katak sei buka tuir autor sira ne’e.