Purtantu, atividade lansamentu kuda hare ne’e realiza Laivai Postu Administrativu Lautém.

Ministru Agrikultura Pekuária Peska no Floresta, Marcos “MAMETA” da Cruz esplika, atividade lansamentu kuda hare ho mákina modernu kuda hare nian no entrega tratór ki’ik ka tratór liman unidade 10 ba PAM Lautem.

Nune’e, bele jere tanba ne’e iha fulan Janeiru foin lalais ne’e Ministériu inagura ona eskema irrigasaun Laivai ne’ebé mak kobre 500 ektare, maibé foin mak kultivu 70 ektare, area hirak ne’e tempuk naruk abandona maibé tinan ida ne’e agrikultór sira halo kultivasaun.

Ministru hatutan, Governu liu husi Ministériu Agrikultura fo apresiasaun ba agrikultór no autoridade sira ne’eb’e maki ha vontade no hakarak hodi bele kontribui ba dezenvolvimentu setór agrikultura.

Tanba durante ne’e halo kontrusaun eskema irrigasaun no natar hirak ne’e nakonu ho ai-hun boot de’it maibé komunidade sira kopera hodi halo servisu hamutuk nune’e ohin bele halo lansamentu kuda hare iha fatin ne’e, ba preokupasaun komunidade no autoridade suku sira Ministériu responde katak Ministériu sempre fó apoiu ba nesesidade agrikultór sira nian la’os lais maibé neneik no bebeik.

“Ha’u iha esprensa katak ba oin agrikultór sira hamutuk ho nia-autoridade sira sei halo servisu hodi bele kobre area 430 ne’ebé mak seidauk kultivu maibé iha tinan ne’e sei kultivu hotu tanba ne’e MAPPF sei mobiliza apoiu tratór sira, objetivu Ministériu agrikultura apoiu komunidade ka agrikultór sira ne’e oinsa mak atu bele moderniza setór agrikultura iha futuru” Tenik Ministru Marcos liu husi Komunikadu ne’ebé Media INDEPENDENTE asesu husi Media MAPFF, Domingu (07/03).

Iha fatin hanesan, Prezidente Autoridade Munisipal Lautem, Mélio de Jesus, hato’o agradese ba Ministériu Agrikultura tanba iha komitmentu ne’ebé boot hodi apoiu nafatin setór agrikultura iha Munisípiu Lautem liu-liu ba Modernizasaun Sistema Agrikultura liu husi konstrusaun baziku hanesan eskema irrigasaun no apoiu ekipamentu agrikola modernu

“Ami husi Minisípiu Lautem iha esperansa boot katak seór agrikultura iha Munisípiu ne’e sei avansa ba oin tanba kopresaun diak entre autoridade ho Ministériu lao diak, iha tinan kotuk mós Munisípiu lautem hetan apoiu tratór liman unidade 25 iha tinan 2025 ne’e entrega on aba grupu agrikultór sira no tinan ne’e kontinua hetan apoiu husi Ministériu tratór ki’ik unidade 10 no PAM hahú orienta ona Diretór Agrikultura Munisípi Agrikultura atu halo levantamentu dadus nune’e bele entrega ba agrikultór ne’eb’e maki ha natar tanba ekipamentu ne’e laos atu entrega ba ema naran de’it ka ema ne’eb’e mak laiha natar mós ita entega ba,” Nia informa.

PAM  husu ba agrikultór sira ne’e tenki kuida ekipamentu ne’ebé mak simu ona labele husik at de’it jere halo didiak nune’e bele hasa’e produsaun hare iha Munisípiu Lautem refere no ekipamentu hirak ne’e ba oin bele utiliza ho masimu.

Purtantu, partisipa iha serimonia lansamentu kuda hare uza makina agrikola modernu ne’e hanesan, Autoridade suku sira iha Postu Administartivu Lautem, Diretór nasionál Lojistik, Agrikultura Hortikultura Protesaun das Plantas, Extensaun Formasaun Agrikola, Xefe departamentu sira no staf tekniku husi MAPPF nomós Agrikutór sira iha Laivai.