“Iha Dekretu Lei subsídiu ba mídia, MAPKOMS halo ona submisaun ba MPCM atu halo diskusaun no aprova hodi bele sai lei no baze ba pagamentu liña frente liu-liu ba jornalista sira,” dehan nia ambitu debate estensaun estadu emerjensia ba dala-19 PN, tersa ne’e (26/10).
Nia haktuir, Jornalista sira iha tinan kotuk hetan ona subsídiu liña frente, maibé agora tenke prepara fali dekretu-lei ketak ida, la’ós hamutuk ho dekretu-lei ne’ebé foin lalais aprova iha fulan-Agostu liu bá. Tanba jornalista sira la’ós hanesan funsionáriu públiku maibé halo servisu hanesan esensiál.
Entretantu, Deputadu Bankada Partidu Kamanek Haburas Unidade Nasionál Timoroan (KHUNTO), Luis Roberto, husu ba Ministéiru relevante atu konsidera no aselera lista liña frente ba jornalista sira nia, tanba servisu mídia sira nian iha ámbitu Covid-19 ne’e importante tebes.
Asistente Editor: Saturnina da Costa
