Sosiedade Sivíl Husu OJE 2022 Sensivel no Inkluzivu ba Ema ho Defisiénsia Featured

By Cristina Ximenes Dezembru 01, 2021 281
Orsamentu Jeral Estadu. Foto:Dok. Orsamentu Jeral Estadu. Foto:Dok.

DILI: Organizasaun Naun Governamentál (ONG) Core Group Transparency Timor Leste (CG-TL) ho Raes Hadomi Timor Oan (RHTO) husu governu no Parlamentu Nasionál atu iha debate Orsamentu Jerál Estadu (OJE) 2022 sensivel no inkluzivu ba ema ho difisiénsia.

Koordenadór Core Group Transparency Timor Leste (CGT-TL), Sabino Fitun hateten, durante nee tinan hira ba kotuk haree kada tinan governu sempre hasai OJE,maibé ninia porsaun tau ba nesesidade maluk defisiénsia sira nian nee mínimu tebes.
Nia hatutan, infraestrutura hanesan estrada, uma eskola, edifísiu públiku, merkadu, laiha rampa, trotoar neebé asesivel ba maluk defisiénsia sira. Tanba nee, ho OJE tinan fiskál 2022sira bele tau item neebé liga ho ema ho defisiénsia ninia nesesidade.
Core Group Transparency mós agora daudauk haree hela asuntu balun liga ho governu ninia planu iha ministériu lubuk ida mak hamutuk sira harii planu asaun ba ema ho defisiénsia, sira iha planu diak tebes, maibé realidade iha OJE 2021-2022 nian sira la tau espesífiku item orsamentu ba neebá.
“Ami hakarak hatoo ami-nia submisaun ba governu no PN, atu haree mós asuntu ida kona-ba ema ho defisiénsia sira nian,” dehan nia, iha Core Group Transparency, Kaikoli, horisehik.
Iha fatin hanesan, Koordenadór Programa Open the Book, Junior da Costa hateten, OJE 2022 neebé sensivel no inkluzaun ba ema ho defisiénsia RHTO ninia advokásia, tanba hakarak orsamentu ba ema hotu justu no inkluzivu katak alokasaun orsamentu nee alokasaun ba kada ministériu.
Nee duni, ba Ministériu Obras Públiku (MOP) karik oinsá nia alokasaun ba halo infraestrutura sira, karik halo edifísiu, estrada ka ponte ruma ema ho defisiénsia tipu oi-oin bele asesu ka lae. Hanesan nia halo ponte karik oinsá asesibilidade ba ho ema defisiénsia neebé uza kadeira roda, nia halo edifísiu ruma karik oinsá ho ema defisiénsia hanesan matan bele lao.
Nunee, mós kona-ba saúde inkluziva haree kona-ba atendimentu pesoál ba ema ho defisiénsia nee oinsá dala-ruma sira halo sentru saúde nee iha foho leten, hakarak iha área rurál sira oinsá nia asesu ba saúde ema ho defisiénsia ba ba asesu.

Rate this item
(0 votes)

Independente Digital TV