Aldeia Ida iha Seloi Malere Seidauk Assesu Estrada Featured

By Adelaide dos Santos Novembru 30, 2021 296
Tempu udan difulta transporte publiku asesu ba estrada. Foto:INDEPENDENTE. Tempu udan difulta transporte publiku asesu ba estrada. Foto:INDEPENDENTE.

AILEU: To’o agora aldeia Maurusa iha suku Seloi Malere postu-administrativu Aileu-Vila seidauk assesu ba estrada ne’ebé difikulta movimentu komunidade.

“Husi aldeia ne’e ba to’o Aileu vila ho kilómetru hitu, inklui laiha ponte ne’ebé iha tempu udan difikulta tebes movimentu estudante sira nian,” Xefe Suku Seloi Malere, Jacinto Ribeiro Dias hateten iha Ailei Vila, Domingu (28/11).

Relasiona ho preokupasaun ne’e sira hatama proposta ba Governu iha tinan 2010, maibé Governu troka malu to’o agora rezultadu laiha.

Suku Malere iha aldeia hamutuk neen mak hanesan aldeia Malere, Cotabauru, Hularema, Maurusa, Taratihi no Kabas fatin, ho nia totál populasaun 4.025.

Iha fatin hanesan, Komunidade Aldeia Maurusa José da Cruz triste tebes ho situasaun ne’ebé mak sira enfrenta, tanba tempu udan sira labele assesu estrada hodi movimentu ba mai atu lori sira nia produtu ba merkadu iha Vila.

Rate this item
(0 votes)

Independente Digital TV