SEPS bandu ne’e bazeia ba lei protesaun sivil ne’ebé promulga ona husi Prezidente Repúblika nù.2/2020, Dezembru ho nia artigu hamutuk 21.

Diretór Jerál SEPS, Ismael da Costa Babo hateten, Governu alerta nafatin tanba esperiensia hatudu iha 04 Abril katak, inundasaun estraga ema barak nia uma no Governu lakohi atu situasaun ne’e repete tan.

“Uma ne’ebé konstrui besik mota ninin, tasi ibun no foho lolon, tenke hamamuk,” nia hateten iha fatin akollamentu Dom Bosco, Komoro (29/11).

Lei protesaun sivil iha artigu 6 pontu 4 ko'alia kona-bá polulasaun sira ne'ebé mak viola no pontu 2 ba funsionariu sira.

Tanba ne'e, SEPS sei aviza ba komunidade ne'ebé hela iha fatin risku hanesan mota ibun foho lolon atu muda husi fatin ne’e.