Sexta, 25 Juñu 2021 | Login
Positivu Covid-19. Positivu Covid-19.

SIJK Rezista Tan Kazu Foun 79 Maioria Iha Kapital Dili Featured

DILI:Sala Situasaun Sentru Integradu Jestaun Krize (SIJK) rezista tan kazu foun 79 kompostu husi Kapital Dili 61, Bobonaro 5, Covalima 2, Manatuto 1 no Vikeke 10.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu ne’ebé relata ohin iha mane na’in 39 no feto 40, total proporsaun kazu sintomatiku pursentu 10,1.

Nune’e, dadus jeral ba loron ohin iha kazu foun 79, rekuperadu 256 no kazu ativu 1,938.

Enkuantu, total komulativu kazu konfirmadu hamutuk 7,941.

Husi horseik (08/06) mai ohin total teste PCR ne’ebé halo iha Dili hamutuk 1,061, kompostu husi Vijilansia sentinel na’in 9, Contact tracing 46, Random Screning 205, viajen sai husi serka sanitaria Dili 790 no viajen internasional 11.

Teste PCR ne’ebé halo iha Munisipiu sira, RAEOA no HNGV hamutuk 483, ho detalle hanesan tuir mai, Baucau, 47, Maliana 64, RAEOA 1, Vikeke 33, Ermera 99, Maubise 128, Suai 32 no HNGV 79.

Entretantu, iha izolamentu Vera Cruz ohin halo tratamentu ba kazu detetadu na’in 23.  

 

Asistente Editor: Saturnina da Costa

Read 209 times
Rate this item
(0 votes)