Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Rui Maria de Araujo hatete, kazu ne’ebé relata ohin iha mane na’in 18 no feto 101.
“Sira ne’ebé detetadu, tinan 12 mai kraik iha na’in 7, idade 12 to’o tinan 59 iha na’in 168 hanesan ho pursentu 93,8 no idade 60 ba leten na’in 4,”dehan nia liu husi komunikadu, segunda ohin (24/05).
Nune’e total kazu detetadu foun ohin iha porpurasaun sintomatiku hamutuk pursentu 10.
Komulativu sura husi loron 21 fulan-Marsu tinan 2020 to’o loron 24 fulan-Maiu tinan 2021 hamutuk 5,816.
Husi horiseik (23/05) mai ohin (24/05) teste PCR ne'ebé Laboratóriu Nasionál Saúde halo iha Dili hamutuk 726 ne’ebé kompostu husi, Vijilánsia sentinela 53, Contact tracing 102, Random Screening 128, Viájen sai husi serka sanitária husi Dili 416, Viájen internasionál 10 no Follow up iha kuarentena 10.
Totál testes PCR ne’ebé halo horiseik (23/05) iha Munisipiu sira seluk, RAEOA no HNGV hamutuk 418 ne’ebé kompostu husi, Baucau 84, Ermera 59, Maliana 48, Maubisse 8, Vikeke 27 no HNGV 104.
Izolamentu Vera Cruz ohin halo tratamentu ba kazu detetadu na’in 35, ne’ebé iha
área obstetrisia na'in 14 ho kategoria leve (mild) hotu, iha área medisina interna na'in 20, na’in 5 grave, 1 ICU uza CPAP no na’in 4 uza oksijeniu.
Na’in 11 moderadu no na’in 4 leve hanesan ho rekupera ho kategoria grave no moderadu.
Asistente Editor: Saturnina da Costa
