Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Asosiasaun Halibur Defisiensia Matan Timor- Leste (AHDMTL) Gaspar Afonso, sujere ba Ministériu Saúde (MS) liu husi Sentru Integradu Jestaun Krize (SIJK) atu hadia mekanismu servisu ba atendementu pasiente Covid-19 iha Timor-Leste. Foto: Camilio/Independente. Asosiasaun Halibur Defisiensia Matan Timor- Leste (AHDMTL) Gaspar Afonso, sujere ba Ministériu Saúde (MS) liu husi Sentru Integradu Jestaun Krize (SIJK) atu hadia mekanismu servisu ba atendementu pasiente Covid-19 iha Timor-Leste. Foto: Camilio/Independente.

AHDMTL Rekomenda Ba SIJK Hadia Mekanismu Atendementu Pasiente Covid-19 Featured

DILI:Dirétor Asosiasaun Halibur Defisiensia Matan Timor- Leste (AHDMTL) Gaspar Afonso, sujere ba Ministériu Saúde (MS) liu husi Sentru Integradu Jestaun Krize (SIJK) atu hadia mekanismu servisu ba atendementu pasiente Covid-19 iha Timor-Leste.

Nia konsidera, servisu Ministériu Saúde liu husi SIJK la seríu atu kombate Covid-19, tanba iha membru AHMDTL na’in 4 ne’ebé deteta positivu Covid-19 liu husi teste Swab, maibé la izola sira iha fatin izolamentu ne’ebé antes ne’e Governu prepara ona.

“Lori defisiensia hotu nia naran hakarak ezije ba MS ho SIJK labele halimar fali ho ami defisiensia nia vida no labele halo diskriminasaun ba ami liu-liu Covid-19 iha Timor Leste," dehan nia iha ba Online INDEPENDENTE iha knar fatin Manleuana Dili, segunda ohin (24/05).

AHDMTL Sira senti lakontente ho mekanismu SIJK no MS, tanba la atende sira ho diak.

"Hau koalia ho honestu katak iha loron 16 fulan-Maiu, ekipa konjunta  Saúde mai halo teste Swab iha AHDMTL nia fatin depois loron tolu nia laran deteta membru na’in 4 mak positivu maibé ekipa pilar 3 no 7 husi SIJK la mai foti sira ba fatin izolamentu,” tenik nia.

Ho situasaun ida ne’e AHDMTL prekupa no telefone kedan ba ekipa pilar 3 no 7 maibé laiha resposta no foin iha loron 22 fulan-Maiu, mak mai atu lori sira ba izolamentu, nune’e AHMDTL deside hodi la intrega membru defisiensia na’in 4 no sira halo auto-izolamentu deit.

Entretantu, portavoz AHDMTL  Jacinta Anita da Silva lori defisiensia na’in 38.118 iha Timor-Leste husu ba Governu liu husi MS no SIJK bainhira halo teste Swab no deteta kazu positivu tenke lori lalais ba fatin izolamentu, no prepara mós fatin ne’ebé dignu.

Ezemplu ema ho defisiensia matan presija asistensia pesoal no ema ho defisiensia tilun presija tradutor sinal  jestual, alende ba defisiensia fiziku ne’ebé tur iha kadeira roda presija iha haris fatin ne’ebé  dignu iha fatin Izolamentu sira.

Nia mós rekomenda ba Governu tenke aplika konstitusaun RDTL artigu 16 kona-ba Igualidade no Universalidade, no artigu 21 kona-ba Direitu Ema ho Defisiensia presija goja no hetan atendimentu ida ne’ebé igual, justu no dignu tuir Governu nia filosifia katak labele husik ema defisiensia ida iha kotuk.

 

Jornalista: Camilio de Sousa

Asistente Editor: Saturnina da Costa

Read 281 times
Rate this item
(0 votes)