SIJK Husu ba Públiku Fiar De’it Informasaun Husi Sala Situasaun Featured

By Elsa Belinha Abril 17, 2020 2148
Portavoz Sentru Integradu Jestaun Krize (SIJK), dr. Rui Maria de Araújo. Foto INDEPENDENTE/Jonio da Costa Portavoz Sentru Integradu Jestaun Krize (SIJK), dr. Rui Maria de Araújo. Foto INDEPENDENTE/Jonio da Costa

DILI: Relasiona ho informasaun sira ne’ebé espalla iha media sosial halo públiku pániku no konfuzaun ho informasaun sira ne’e, maka Sentru Integradu Jestaun Krize (SIJK) husu ba públiku atu fi’ar de’it informasaun ne’ebé fó sai husi sala situasaun SIJK nian.

Portavoz Sentru Integradu Jestaun Krize (SIJK), dr. Rui Maria de Araújo hatete, SIJK apela ba populasaun tomak rona no fi’ar de’it maka informasaun ne’ebé sai husi sala situasaun SIJK nian fó sai loron-loron.

“Tau fiar nafatin governu halo prevensaun no mitigasaun ba moras Covid-19,”dehan nia iha konferensia imprensa iha CCD, ohin.

Nia husu atu kolabora no partisipa ho disiplina iha prosesu distansiamentu sosial no distansiamentu fíziku iha atividade hotu ba ijiene pessoal ninian. No laiha nesesidade importante iha liur tuur hakmatek iha uma fase liman bebeik ho sabaun, uza maskara wainhira atu sai husi uma.

Rate this item
(0 votes)

Independente Digital TV