Komisaun Interministeriál Aprova Medidas Salva Ekonomia iha EE Featured

By Pedro Alves Abril 18, 2020 3950
Ministru Koordenador Asuntu Ekonomia (MKAE) Interinu Fidelis Leite Magalaes Ministru Koordenador Asuntu Ekonomia (MKAE) Interinu Fidelis Leite Magalaes

DILI:Governu liu lusi reuniaun liña-ministéral aprova ona medidas ho pontus neen ne’ebé aprejenta husi MKAE bazeia ba proposta husi liña ministerial, hodi apoiu situasaun Estadu Emerjénsia atu labele mukit ba ekonomia.

Medida hirak ne’e, primeiru haree ba iha konektividade transporte nian, distribuisaun bem esensiál, haree ba telekomunikasaun, servisu baziku, kréditu, apoiu direitu ba sidadaun.

“Ohin rona aprezentasaun husi Ministériu Koordenador Asuntu Ekonomia (MKAE) kona-ba medidas intregadas medidas ekonomia governu nian iha setór ekonomiku, komisaun interministerial aprova medida hirak ne’ebé aprezenta,ne’ebé proposta ne’e mai husi liña ministeriál, depois nia faze nia implementasaun sei implementa no naturalmete halo adaptasaun ho disponibilidade finanseiru,”dehan Ministru Koordenador Asuntu Ekonomia Interinu (MKAE) Fidelis Leite Magalaes, iha salaun Ministeriu Finansas, Aitarak laran,(17/04).

Governante ne’e realsa, MKAE hala’o koordenasaun ba inisiativa sira liña ministeriál no apoiu ministeriu sira atu elabora sira nia politika no programa.

“Objetivu alvu prinsipál mak ita nia populasaun nian ekonomia nasaun nian ne’ebé konjuntu husi familia idak idak nian,”tenik nia.

Nia afirma, Governu sei fokus ba ekonomia uma laran bens estar sidadaun sira nian, atu nunee bainhira Timor-Leste hakotu ona impase hasoru COVID-19 bele halo moris hikas ekonomia.

Rate this item
(0 votes)

Independente Digital TV