Diretór Jeral Peska, Celestino da Cunha Barreto hateten, kompañia Cheramor Unipesoal Lda sei bele  halo prosesu ba bero sira ne'ebe iha Ministeriu Justisa, nune’e bele hetan ninia legalidade.

"Semana kotuk Sekretariu Estadu Peska liu husi Diresaun Jeral Peska hamutuk ho Xefe Departamentu balun hala’o ona koordenasaun ho parseriu empreza Cheramor Unipesoal Lda ne'ebé responsabilidade ba bero hamutuk 22," informa Celestino ba jornalista INDEPENDENTE iha nia knaar fatin, Komoro, (06/03)

Nia dehan, bero 22 ne’ebé kompañia Cheramor Unipesoal Lda hatama agora dadaun iha hela Ministeriu Justisa hodi hein nia prosesu, tanba juridikamente advogadu husi parte Cheramor Unipesoal Lda koopera di’ak ho Ministeriu Justisa.

Parte kompania C sei  halo pagamentu ligadu ho taxa ba regulamentu iha Ministeriu Transporte Telekomunikassaun .

Nia haktuir, tempu badak parte Cheramor Unipesoal Lda ho Ministeriu Justisa sei relata rejultadu hotu ne’ebé iha ba Ministeriu Agrikultura ho Pekuaria, Peska no Floresta (MAPPF).

“Ha'u hanoin felismente husi tekniku nia esperansa katak, bero 22 sei lori mai Ministeriu Agrikultura ho Pekuaria, Peska no Floresta hodi distribui ba peskador sira,” hakotu nia.