Sexta, 24 Setembru 2021 | Login
Sekretáriu Estadu ba Komunikasaun Sosiál Merício Juvinal dos Reis “AKARA”. Foto:Gab.SEKOMS. Sekretáriu Estadu ba Komunikasaun Sosiál Merício Juvinal dos Reis “AKARA”. Foto:Gab.SEKOMS.

SEKOMS Sei Lansa Kompetisaun "Content Creator" ba Youtuber Featured

DILI:Sekretáriu Estadu ba Komunikasaun Sosiál, sei lansa kompetisaun ho naran “Content Creator” ba Youtuber sira.

Merício Juvinal dos Reis “AKARA”, hato'o asuntu ne’e, bainhira hala'o sorumutu ho koordenador Youtuber Timor-Leste, Abrão Monteiro Nicolinux, iha sala reuniaun SEKOMS, Palásiu Governu, Dili, tersa ohin (15/05)

“SEKOMS sei lansa kompetisaun ne'e iha fulan ida ne'e nia laran no  planu atu enkoraja komunidade Youtuber Timor-Leste no joven kreativu sira atu partisipa,” dehan Merício Juvinal dos Reis “AKARA”, iha komunikadu ne’ebé Online INDEPENDENTE asesu.

Nia afiram, kompetisaun ne'e hanesan oportunidade ida atu apoiu jovem sira ne'ebé iha kreatividade liu husi produz  Video  ho tema oi-oin.

Entretantu, Koordenador Youtuber Timor-Leste, Abrão Monteiro Nicolinux, apresia ho inisiativa SEKOMS nian no prontu atu partisipa iha kompetisaun refere.

Tanba ne’e, inskrisaun ba kompetisaun sei loke iha tempu besik.

Iha Enkontru ne'e akompaña mós husi Xefe Gabinete SEKOMS, Asesora SEKOMS no ekipa media Gabinete SEKOMS.

 

Asistente Editor: Saturnina da Costa

Read 211 times
Rate this item
(0 votes)