Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Reuniaun Konsellu Ministru diriji husi PM Taur Matan Ruak, iha Ministeriu Finansas Aitarak-Laran Dili, kuarta ohin (16/06). Foto:Dok/Independente. Reuniaun Konsellu Ministru diriji husi PM Taur Matan Ruak, iha Ministeriu Finansas Aitarak-Laran Dili, kuarta ohin (16/06). Foto:Dok/Independente.

Governu Extende Serka Sanitaria Ba Munisipiu 4 To’o Loron Hitu Featured

DILI: Governu liu husi reuniaun Konsellu Ministru (KM) deside hodi extende tan serka sanitaria iha Munisipiu Dili, Baucau, Covalima no Bobonaro ba loron hitu tan.

“Hafoin análiza ba aprezentasaun kona-ba pontu situasaun epidemiolójika país nian, husi koordenadór Sala Situasaun Sentru Integradu Jestaun Krize (SIJK) nian, aprova ona projetu Rezolusaun Governu nian ne’ebé mantein impozisaun serka sanitária iha Munisípiu Baucau, Bobonaro, Dili no Covalima ba loron 7 tan,” dehan Ministru Prezidensia Konsellu Ministru, Fidelis Leite Magalhães iha konferensia imprensa, salaun Ministeriu Finansas Aitarak-Laran, Dili, kuarta ohin (16/05). 

Nune’e, bandu nafatin sirkulasaun ema sira nian entre munisípiu Baucau, Bobonaro, Dili no Covalima no mós sirkunskrisaun administrativa sira-seluk, exetu iha kazu hirak ne’ebé nia fundamentu forte tanba razaun seguransa públika, saúde públika, asisténsia umanitária, manutensaun sistema abastesimentu públiku, ka razaun seluk ne’ebé presiza atu hala’o ba interese públiku nian.

Aleinde, SIJK mós iha reprezentante ida iha Sentru sira Kontrolu Integradu nian, ne’ebé bele simu subdelegasaun kompeténsia ida hodi autoriza sirkulasaun iha territóriu nasionál.

Autorizasaun sira ne’e dependente husi rezultadu negativu iha teste Covid-19 nian.

Entretantu, ba labarik sira ho idade tinan neen (6) mai kraik no ema sira ne’ebé simu ona vasinasaun kompletu (doze rua) la presiza autorizasaun hodi sirkula iha territóriu nasionál.

 

Asistente Editor: Saturnina da Costa

Read 675 times
Rate this item
(0 votes)