Nia hato’o asuntu ne’e, tanba haree ba situasaun agora dadun, ai-samtuka ne’ebé fó mahon ba kafé barak mak mate hotu, tanba ne’e, fó impaktu tebes ba kafé atu fuan.

“Ami husu ba Ministru Agrikultura atu estuda  no buka teknika seluk hodi kuda fali ai-seluk, troka ai-santuku tanba agora dadauk kuaze ai-samtuku  mate hotu no husu ba Ministru se bele favor ida, hanoin netik atu dezenvolve kafé, tanba ami-nia rain ida Ermera ne'e moris ho kafé”, dehan nia hafoin partisipa iha seremonia lansamentu exportasaun produtu lokal iha Kolmera, tersa ohin (15/06).

Nia husu, ba Ministru Agrikultura no Peskas atu halo estudu ida hodi  labele lakon.

Hatan ba preokupasaun ne'e,  Ministru Agrikultura Peskas (MAP) Pedro dos Reis, hatete, kafé ne'e uluk kedas sai identidade Timor-Leste nian no agora ukun-an mosu tan produtu sira seluk.

Haree ba realidade ne'ebé iha, ai-samtuku mosu hodi rezulta kafé barak mate, tanba ne’e, Ministériu sei la hela  nonok, maibé sei servisu hamutuk ho diresaun tekniku ba floresta nian hodi rezolve atu ai seluk hodi troka fali ai-samtuku, nune'e bele prevene kafé labele mate.

Enkuantu dadaun ne'e, Ministériu Agrikultura no Peskas (MAP) buka hela meius ida atu rezolve ai-samtuku iha Ermera.

Asistente Editor: Saturnina da Costa