Tersa, 07 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Sekretaria Estadu Igualidade no Inkluzaun, Maria José da Fonseca de Jesus Monteiru, hamutuk ho Prezidente KI, Virgilio Guterres no mos parseiru sira loke abertura formasaun ba xefe redasaun no jornalista sira. Foto:Saturnina /INDEPENDENTE. Sekretaria Estadu Igualidade no Inkluzaun, Maria José da Fonseca de Jesus Monteiru, hamutuk ho Prezidente KI, Virgilio Guterres no mos parseiru sira loke abertura formasaun ba xefe redasaun no jornalista sira. Foto:Saturnina /INDEPENDENTE.

SEII ho Parseiru Fasilita Formasaun Sensivel ba Jéneru ba Xefe Redasaun ho Jornalista

DILI: Sekretaria Estadu Igualidade no Inkluzaun (SEII) hamutuk ho Sekretariu Estadu Komunikasaun Sosial (SEKOMS) no mós parseria sira, TAF-Nabilan, Programa Monitorizasaun Sistema Judisiál (JSMP), Konsellu Imprensa (KI), fasilita formasaun ba xefe redasaun no jornalista sira kona ba “Reportajen no Kobertura Sensivel ba Jéneru no Ema ho Defisiénsia”.

Sekretaria Estadu Igualidade no Inkluzaun, Maria José da Fonseca de Jesus Monteiru hatete, formasaun ida ne’e halo regulamente hodi hasa’e koñesementu xefe redasaun, editor no jornalista sira nian hodi asegura katak, reportajen ne’ebé sira halo sensivel duni ba jéneru no ema ho defisiénsia sira.

“Ita hatene katak media sai parseiru importante husi instituisaun oin-oin Governu nian, hodi hatutan no fahe informasaun ba públiku sira, entaun ita halo formasaun ida ne’e atu media sira hala’o sira nia knar no reportajen ida, hosi asegura katak informasaun ka reportejen ne’e sensivel duni ba jéneru, sensivel ba ema ho defisiensia no mós sensivel ba komunidade Lesbian Gay Besexual Transjender Queer Intersex (LGBTQI),”dehan nia iha abertura formasaun ba Jornalista sira, iha salaun Maria Goreti, SEII, segunda ne’e (18/10).

Iha fatin hanesan, Prezidente KI, Virgilio Guterres hatete, formasaun ne’e importante atu hasa’e xefe redasaun ho jornalista sira nia koñesementu atu iha sensibilidade sosial.

Nune’e, iha repotajen ka obra jornalismu nian iha konseitu ida igualidade jéneru ne’e bele mosu, tanba ne’e, presiza iha tolensia narativa katak, uza liafuan sira ne’ebé ema hotu aseita no labele uza liafuan ida ne’ebé halo ema senti kanek ou ofendidu.

“Ha’u hanoin inisiativa ida ne’ebé kontinua lao, tanba asuntu rua ne’e foku ba sensivel ba jéneru no mós kona ba defisiénsia ne’e importante,”dehan Virgilio.

Entretantu, formasaun ne’e ida sei hala’o durante loron lima, haú husi loron 18 to’o 22 fulan-Outubru tinan 2021. Nune’e, formasaun ne’e fahe ba parte rua, parte dader ba xefe redasaun ka editor sira no parte lokraik ba jornalista sira.

Formasaun ne’e, fasilita husi formador husi SEII, SEKOMS, KI, TAF-Nabilan no JSMP.

Read 141 times
Rate this item
(0 votes)