Sekretáriu Estadu Floresta, Fernandino Vieira da Costa hatete, fó formasaun Kapasitasaun tékniku ba Korpu Guarda Floresta husi Munisípiu 13 no inklui RAEOA hodi kombate no prevensaun ba inséndiu floresta ne'ebé akontese iha teritóriu nasionál.
Nia dehan, Korpu Guarda Floresta hamutuk 50, Pesoas husi 13 Munisípiu inklui RAEOA ne’ebé tuir formasaun kapasitasaun hodi halo prevensaun no kombate ba insédiu floresta ne’ebé kada tinan akontese iha Teritoriu Timor laran tomak.
Nune'e, halo mapamentu ba área sira ne’ebé identifika hanesan risku ba sunu rai ou insendiu, tanba ne'e treinamentu ida ne'e importante ho formador ne’ebé mak mai husi Autoridade Protesaun Sivil (APS), atu fo treinamentu kapasitasaun teniku atu nune’e ita nia Korpu Guarda Floresta sira iha koñesimentu hodi bele hala’o servisu iha terenu.
Iha tempu bai loron naruk ita nia rai ne’e sempre akontese ema sunu rai, tanba ne’e ita presiza iha funsionáriu ne’ebé treinadu iha koñesimentu, atu bele kombate no prevene inséndiu ne’ebé kada tinan sempre akontese iha rai-laran.
Tanba ne’e, SEF husu ba funsionáriu Korpu Guarda Floresta sira hotu tantu Ajente Administrasaun no Kazuais no Funsionáriu Permanente sira hotu ne’ebé mak destaka iha teritóriu tomak atu nafatin hala’o nia funsaun servisu ho responsabilidade.
Nune'e mak bele prevene inundasaun no prevene dezastre naturais ne’ebé akontese, tanba impaktu atividade umanu ne'ebé tesi ai no sunu rai arbiru.
Nia dehan, Diresaun Nasionál Protesaun Korpu Guarda Floresta, Diresaun Jerál Floresta implementa programa ida ne’e mai husi orsamentu jeral estadu tinan 2025.
Entaun, implementa iha janeiru tinan 2026 atu finaliza programa sira ne’ebé planu iha tinan 2025. Espera katak ita nia formadu CGF sira husi 50 pesoas ne’e bele hetan kapasitasaun téekniku husi formador sira-ne’ebé mai husi Autoridade Protesaun Sivil. Ne'ebé prevene dezastre akontese iha rai nune'e SEF Servisu hamutuk ho SEPC, identifika ona fatin no área sira iha Munisípiu sira.
“Kada tinan sempre mosu dezastre naturais akontese hanesan Munisípiu Covalima, Viqueque, Manufahi, Ermera, Aileu, Ainaro entre munisipíu sira ne’e maka sempre akontese dezastre naturais mosu inundasaun rai halai kuandu udan tau rai,” Tenik nia.
Entaun, treinamentu ida ne’e mós koalia asuntu sira ne’e hotu oinsa atu prevene dezastre naturais, presiza KGF iha koñesimentu par sira bele esplika ba nia komunidade sira hotu katak sira mós faz parte iha responsabilidade hodi fó protesaun ba nia rekursus florestais iha rai-laran.
