REBAS-TL husu governu estabelese ona laboratoriu teste kualidade ai-han Featured

By Ivonia Varela Marsu 12, 2024 176
Koordenadór Rede Ba Saude Timor-Leste, Joaqium Freitas Belo. Foto:INDEPENDENTE. Koordenadór Rede Ba Saude Timor-Leste, Joaqium Freitas Belo. Foto:INDEPENDENTE.

DILI: Organizasaun Sosiedade Sivil (OSS) liu husi Rede Ba Saúde Timor-Leste, husu ba governu atu estabelese ona laboratorium ba kontrolu kualidade ai-han ne'ebé importa husi rai li’ur.


Koordenadór Rede Ba Saude Timor-Leste, Joaqium Freitas Belo hatete, Timor-Leste ukun aan 20 resin ona, maibé seidauk iha laboratorium ida ne'ebé bele halo teste ba kualidade ai-han sira ne'ebé importa husi rai liur mai Timor-Leste.
“to’o agora TL seidauk laboratoriu próprio ida, atu halo kontrolu ba ai-han ne’ebé importa husi rai liur mai ita-boot sira presiza hatene ita Timor ki’ak 42% ne’ebé la muda, ita mós kiak multidimensaun ne’ebé la muda nafatin 55% ne’e tanba ita ki’ak ba saúde no edukasaun,” dehan Koordenadór iha Ótel Timor Colmera, (11/07).
Tanba TL, maioria konsumu ai-han husi rai li’ur, maibé la iha mekanizmu sira atu kontrolu.
Hatan ba kestaun ne'e, reprezentante Ministeriu Saúde, Xefe Departamentu Parseria no Koperasaun Saúde, Adelia Maria Moniz Barreto hatete, konsumu hahán ne'ebé importadu husi nasaun li’ur ninia kualidade ne'e responsabilidade husi ministériu hotu-hotu.
“Tan ne’e, presiza iha ona laboratoriu nasionál ida atu nune'e ministériu hotu-hotu bele kontrolu kualidade ai-han, tanba problema saude la’ós mai husi ai-han deit maibé husi mós animál sira ne'ebé importadu,” Nia hakotu.

Rate this item
(0 votes)
Last modified on Tersa, 12 Marsu 2024 10:02

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31