OSS Realiza Dialogu ho MS Hodi Ko’alia Kona-ba Servisu Saúde Iha TL Featured

By Ivonia Varela Marsu 12, 2024 194
Forum Organizasaun Naun Governamentál Timor-Leste (FONGTIL) hamutuk ho Rede Ba Saude Timor-Leste realiza dialogu nasionál ho Ministériu Saúde kona-ba sistema saúde ha Timor-Leste, iha Salaun Ótel Timór, Segunda (11/03). Foto:INDEPENDENTE. Forum Organizasaun Naun Governamentál Timor-Leste (FONGTIL) hamutuk ho Rede Ba Saude Timor-Leste realiza dialogu nasionál ho Ministériu Saúde kona-ba sistema saúde ha Timor-Leste, iha Salaun Ótel Timór, Segunda (11/03). Foto:INDEPENDENTE.

DILI: Forum Organizasaun Naun Governamentál Timor-Leste (FONGTIL) hamutuk ho Rede Ba Saude Timor-Leste realiza dialogu nasionál ho Ministériu Saúde kona-ba sistema saúde ha Timor-Leste, ho tema haforsa kolaborasaun servisu entre Ministériu Saúde ho Organizasaun Sosiedade Sivíl hodi lori kualidade servisu saúde ba Timor oan hotu.

Iha dialogu ne'e, Rede Ba Saude Timor Leste aprezenta avaliasaun bazeia ba evidénsia kona-ba asuntu saúde iha Timor Leste hanesan rekursu humanu produtu médiku no fasilidade saúde ne'ebé durante ne’e sira halo advokásia.
Kordenadór Rede Ba Saude Timor Leste, Joaquim Freitas Belo hatete, iha diálogu ne’e atu fahe informasaun no fó hanoin ba malu kona-ba ba problema saúde nian ne'ebé sidadaun sira hasoru
Nia dehan, REBAS-TL fahe mós informasaun kona-ba asesimentu báziku ne'ebé halo iha kada postu saude iha munisípiu sira, tanba sosiedade sivíl mak sai hanesan matan, tilun no fontes ba komunidade sira no ministeriu saúde.
Dialogu ne’e ami fahe oituan informasaun ba malu konaba asesimentu ne’ebé mai halo iha postu saude sira kada munisipiu, hodi bele fó hanoin ba MS konabaasuntu sira ne’e tanba OSS mak sai matan no tilun ba sosiedade no sai fontes ba governu hodi bele fahe infornasaun ba malu,” dehan Koordenadór iha Ótel Timór, Segunda (11/03).
Koordenadór esplika, tanba durante sira halo asesmentu problema ne'ebé hasoru iha postu saudé sira kona-ba pasiente sira mak fasilidade saúde sira kondisaun la permite dezafiu balun ne'ebé liga profisionais saúde problema ai-moruk no saneamentu
Iha fatin hanesan, reprezentante MS Xefe Departamentu Parseria no Koperasaun Saúde Adelia Maria Moniz Barreto hatete, husi dialogu nee iha pontu balun mak parte husi Ministériu akapta ona no atu hadi'a liliu kona-ba fatin sira ne'ebé pasiente sira atu tuur hein hodi atu hetan atendimentu no medikamentu.
“Ministériu kapta ona katak iha pontu balun ne’ebé presiza hadi’a liliu ba iha ita nia fatin sira atu pasiente sira ne’ebé mak atu hetan atendementu nune’e bele iha fatin ne’ebé diak hodi bele sira tun ba hodi hein atu hetan atendimentu iha profisionais sira, no seluk mak medikamentu” nia esplika.
Reprezentante MS ne’e afirma, liu husi sujestaun no rekomendasaun husi sosiedade sivíl fiar katak ministériu saúde sei lori saúde ba besik liu komunidade sira-nia uma lori saúde ba dere mós sira-nia odamatan hodi halo atendimentu ba sira nune'e mos hatene ba sira-nia kualaidade moris nian.
Iha biban ne’e, Diretór Ezekutivu FONGTIL Valentin da Costa Pinto, dialogu saude ne’e organiza hamutuk husi REBAS no FONGTIL, ho apoiu tékniku no finanseiru husi USAID Health System Sustainnability Atividade, ne’ebé fo ona fundus FONGTIL hodi promove envolvimentu síviku ne’ebé diak liu iha esforsu sistema saúde nian.
“Hodi REBAS-TL nia naran, ha’u hato’o ha’u nia agradese maka’as ba USAID ba ninia apoiu tékniku no finanseiru hodi hasa’e papél sosiedade sivíl nia iha hadi’a saúde iha TL,” nia hakotu.

Rate this item
(0 votes)
Last modified on Tersa, 12 Marsu 2024 17:51

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31