Prezidente Repúblika Simu Karta Krendensiál Husi Embaixadór Reinu Unidu Featured

By Agostu 26, 2023 1050
Prezidente Repúblika José Ramos-Horta, sesta (25/08), simu karta kredensiál husi Embaixadór foun Reinu Unidu mai Timor-Leste, Dominic James Robert Jermey, hodi hametin kooperasaun nasaun rua. Foto:Media PR. Prezidente Repúblika José Ramos-Horta, sesta (25/08), simu karta kredensiál husi Embaixadór foun Reinu Unidu mai Timor-Leste, Dominic James Robert Jermey, hodi hametin kooperasaun nasaun rua. Foto:Media PR.

DILI: Prezidente Repúblika José Ramos-Horta, sesta (25/08), simu karta kredensiál husi Embaixadór foun Reinu Unidu mai Timor-Leste, Dominic James Robert Jermey, hodi hametin kooperasaun nasaun rua.

“Iha konversa ho Prezidente, embaixadór reteira apoiu total ba Timor-Leste nia dezenvolvimentu. Sira iha ideias konkretas oinsá mak atu apoiu dezenvolvimentu ita-nia nasaun ninian”, esplika Ministru Negósiu Estranjéru no Kooperasaun Interinu, Ágio Pereira, ne’ebé akompaña Xefe Estadu hodi simu embaixadór la rezidente ne’e.

Reinu Unidu nia kooperasaun ho Timor-Leste hahú dezde 1999, ho papél fundamentál ba rekonstrusaun Timor-Leste liuhusi apoiu finanseiru ba Komisaun Akollimentu, Verdade no Rekonsiliasaun, Komisaun Veteranus no asesór jurídiku hodi fó formasaun ba F-FDTL. Alende ne’e, apoiu mós iha area formasaun língua inglés ba diplomata timoroan sira, bolsu estudu Chevening, vizita estudu no iha Planu Dezenvolvimentu Nasionál.

Prezidente Repúblika José Ramos-Horta apresia kooperasaun ne’ebé nasaun rua hala’o to’o oras ne’e no espera, ba futuru, bele metin liutan.

Ho karta kredensiál maka Xefe Estadu nasaun ida “fó fiar” ba nia embaixadór atu hala’o knaar iha nasaun seluk. Tuir artigu 13, versiklu 1, Konvensaun Viena 1961, embaixadór ida konsidera hala’o ona nia knaar iha nasaun resetór, bainhira nia entrega ona Karta Kredensiál ba Xefe Estadu nasaun ne’e.

Rate this item
(0 votes)
Saturnina da Costa

Jornalista Jornal Independente

https://independente.tl

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30