Komunikadu Imprensa ne'ebé Online INDEPENDENTE asesu husi Palasiu Prezidensiál Bairu-Pite,tersa (11/07). Servisu Kaza Sivil mak apoiu tékniku, konsulta, ánaliza no informasaun Prezidente Repúblika, asegura no mós apoiu administrativu, patrimoniál, finanseiru, informativu no dokumentál Prezidensia Repúblika.
Kaza sivil ne'e dirije husi Xefe Kaza Sivil no inklui deputadu, funsionáriu públiku no ajente administrasaun publika, asesor, konsultór no asesór sira.
Kaza sivil ne'e organiza iha área espesífiku sira atu apoia atividade sira Prezidente Republika nian, tuir Lei Organika Prezidensia Repúblika nian no Regulamentu Organiku Prezidensia Repúblika nian, ne'ebé define kompeténsia no relasaun funsionál sira-nian servisu, diresaun, departamentu no seksaun sira. Prezidente Repúblika nomeia no demite ho livre Xefe Estadu no ekivalente ho ministru ida ne'ebé iha objetivu atu ukun no fó onra ba Estadu.
Prezidente Repúblika, bazeia ba parágrafu 1 husi artigu 5 Lei Organika Prezidensia Republika (Lei númeru 3/2011, husi 1 Juñu, altera ho Lei númeru 1/2014, 29 Janeiru) no númeru 1 husi Artigu 369 Estatutu Pessoal Prezidensia Repúblika (Dekretu Lei númeru 44/2015, loron 28 fulan Dezembru.
Nune'e, dekretu ho efeitu husi loron 10 fulan Jullu tinan 2022, Jesuina Maria Ferreira Gomes hala'o kna'ar sira nu'udar Xefe Estadu Prezidensia Repúblika nian.
Antes ne'e, Prezidente Repúblika José Ramos Horta hili ona feto ida atu sai Xefe Kaza Sivil Prezidensia Repúblika hodi subtitui Xefe Kaza Sivil sesante Bendito Freitas.
Nia dehan, iha ninia Sub-Xefe Kaza Sivil feto ida, Diretora Jerál feto ida, agora Xefe Kaza Sivil feto ida ho estudu bo'ot.
"Ha'u hili tiha ona Xefe Kaza Sivil Prezidensia Repúblika ha'u hatete sei feto ida. Ha'u nia sub-Xefe Kaza Sivil feto ida, Diretora Jerál feto ida, agora Xefe Kaza Sivil feto ida ho estudu bo'ot, ema Jurista bo'ot Timoroan, ema husi Atsabe," dehan Prezidente Repúblika José Ramos Horta ba jornalista sira hafoin remata vizita instalasaun PSIK iha Kolmera, Segunda (10/07).
Nia hatete, tanba governu atual feto uitoan de'it pelumenus Prezidensia Repúblika aumenta tan númeru feto.