Ponte B.J. Habibie Mota Sobu

Abril 26, 2024

Nasional

Ponte B.J. Habibie Mota Sobu ^Featured

By Jose Sarito Amaral Marsu 14, 2020 3969

Kondisaun Ponte B. J. Habibie hafoin inundasaun iha kapital Dili. Foto esp.

DILI:Udan monu rai kuaze horas rua nia laran, sesta-feira horsehik, afeita hamosu inundasaun ho velosidade boot sobu barreira ponte B.J. Habibie, iha Bidau, Santa Ana, Dili.

Inundasaun ho velosidade boot ne’e akontese kuaze horas rua hahú husi tuku haat (4:00 lorokraik) too tuku neen (6:00) iha Dili.

Tuir observasaun Online INDEPENDENTE iha terrenu katak, mota sobu bareira liga ba ponte B.J. Habibie kuaze metros 50.

Konstrusaun ponte B.J Habibie ne’e kaer husi kompañia Bhakti Karya Timor-Leste, Lda ho númeru kontratu S55/122/MOPTC,2017, ho durasaun tinan ida, hahú iha loron 31 Agostu 2017 too 31 Agostu 2018, ho nia kustus millaun $3,963.319.62 dollar Amerika.

Ponte ne’e nia medidas ho naruk metrus 78, luan 10,5 metrus. Inagura iha loron 29 Agostu tinan 2019.

Prosesu konstrusaun ne’e hetan kontrolu maximu husi Ajensia Dezenvolvimentu Nasionál (AND).

Rate this item

(0 votes)