PLP Duun CNRT Halo “Xantajen” Politika Featured

By Marsu 08, 2020 3331
Lema PLP Lema PLP

DILI:Konflitu politiku entre Partidu Libertasaun Popular (PLP) lidera husi Taur Matan Ruak ho partidu CNRT lidera husi Kay Rala Xanana Gusmão seidauk hotu. Hahú mosu duun malu, akuza malu no trata malu iha media sosial molok no hafoin Orsamentu Jerál Estadu xumba iha Parlamentu Nasionál.

Realidade ida, PLP hakerek iha nia funpage ofisial,duun partidu CNRT halo “Xantajen” (Fai Tudik Husi Kotuk) hasoru PLP, relasiona ho rezolusaun CNRT reafirma nia pozisaun mantein versaun Junu 2018 (entre PLP CNRT ho KHUNTO).

Partido CNRT reafirma nia pozisaun ne’e liu husi konferensia extraordinaria, sabdu foin lalais ne’e, iha cede partidu CNRT, bairo dos grilos Dili.

Entretantu PLP liu husi nia funpage ofisial, preokupa tebes kona-ba rezolusaun CNRT ne’ebé mantein AMP 2018.

PLP duvida ba rezolusaun ne’e oinsa CNRT atu mantein iha AMP. Tanba tuir PLP katak bainhira CNRT rasik hanesan bankada Governu iha Parlamentu Nasionál la kumpri akordu AMP 2018, ne’ebé akordu nee ninia objetivu mak atu halo susesu ba OJE, no Leis, iha Parlamentu Nasional durante periodu mandatu VIII Governo nian.

FAKTU hatudu katak Deputadu CNRT la apoiu OJE 2020 no xumba OJE 2020 hodi hamosu ka hanaruk liu tan impase politiku.

Pior liutan, tuir PLP dehan, Deputadu CNRT sira iha PN halo derrota ba VIII Governu nia OJE, maske akordu legal entre CNRT PLP ho KHUNTO vigora hela.

VIII Governu nia Primeiru Ministru, ne’ebé Presidente CNRT mak husu asume kargu PM’, ikus mai hetan Xantajen iha públiku nia oin iha PN.

“Ida ne’e halo PM TMR lakon Mutuo Confiança no lakohi halimar ho hahalok xantajen no PRESAUN demaziadu nian”.

Iha fulan Junu 2018, liu husi kongresu mak partidu tolu CNRT PLP ho KHUNTO deklara halo koligasaun ba fins eleitoral, no ikus hamosu tan akordu kona-ba Aliansa Maioria iha Parlamentu Nasionál.

Akordu sira ne’e rejista hela iha Tribunál Rekursu (TR) no Comisaun Nasional Eleisaun (CNE) too minutu ida ne’e, no seidauk iha anulasaun ka mudansas ruma.

Maibé iha loron loron 7 Marsu 2020, CNRT ho unilateralmente hala’o kongresu hodi deklara ba públiku katak mantein AMP anterior, maibe ’’afinal’’ iha kotuk ho intensaun hakarak troka Primeiru Ministru ba VIII Governu, liu husi formasaun ho partidu lima seluk, liu-liu atu derrota VIII Governu ne’ebé CNRT rasik mak forma husi AMP 2018.

Ikus liu, PLP fó fiar tomak ba Presidente Repúblika atu la husik Instituiaun Estadu monu ba instablidade nia laran, tan deit partidu ida ninia arogansia no ganansia ba poder ne’ebé ikus mai trava dezenvolvimentu hotu-hotu.

Too notisia ne'e publika iha online INDEPENDENTE seidauk konfirma parte partidu CNRT kona-ba reazen PLP nian ne'e.

Rate this item
(0 votes)
Last modified on Segunda, 09 Marsu 2020 09:58

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31