Planu hirak ne'e governu lokál hoto'o hotu ona no lista ba Bee Timor-Leste Empreza públiku (BTL.EP) no mós parseiru lubuk ida mak apoia hodi dada bee moos.
"Agora daudaun balun la’o ona tanba iha ne'ebá iha fatin ba Balibo Five, fatin ida mak Dobru tanba parseiru mós tama. Entaun ita rezolve PNDS hakiduk tama ba fatin seluk, parseiru mak tama. Ne'ebé ita garante hela," nia hateten hafoin partisipa Serimónia lansamentu rejistu móvel Serve iha Maliana Vila, Sesta (19/08/2022).
Parseiru sira ne'ebé daudaun ne'e servisu hamutuk ho governu lokál Bobonaro lubuk ida, maibé orsamentu ne'ebé aloka ba bee moos balibo vila mak PAM seidauk bele fó-sai.
Tanba ne'e, ba tinan ida ne'e mak komunidade husi Postu Balibo la konsege asesu hotu ba bee moos konserteza tinan oin bele asesu hotu ona.
Molok ne'e mós Tempu bailoron komunidade husi Postu Adminitrativu Balibo vila susar atu hetan bee moos tanba bee moos la sufisiente.
Totál komunidade iha Balibo vila hamutuk 104 mak durante ne'e preokupa ba bee moos.
