Enkuantu, pagamentu ne’e sei responsavel husi sei responsavel husi Kompaña Telkomcel.

Nia dehan, total benifisiariu Bolsa da Mãe Jerasaun Foun iha RAEOA hamutuk 5.477.

“Husi númeru ne’e, inan isin rua na’in 556 ho nia osan $8.340,00, labarik na’in 4.905 ho nia osan $98.100,00 no labarik defisiénsia hamutuk na’in-16 ho nia osan $160,00,”dehan nia ba Online INDEPENDENTE, tersa horseik (11/10).

Nia hatutan, programa BdM-Jerasaun Foun implementa iha Munisipiu tolu hanesan, Ainaro, Bobonaro no mós RAEOA.

Tan ne'e, nia dehan, pagamentu sei hala’o uluk iha REAOA, ba Munisipiu rua seluk, seidauk bele hala’o tanba benifisiariu sira nia dokumentus liuliu Billeti Identidade mak seidauk los.

Nune'e, kordenasaun la'o hela atu solusiona ba situasaun ne'e, tanba benefisiariu barak mak laiha BI no Eleitoral.

Entretantu, pagamentu ba munisipiu rua ne’e, Diretór ne’e dehan, posibilidade KompañaTelemor ho Telkomsel mak sei halo pagamentu, no dadaun ne’e halo hela diskusaun ba asuntu refere.

Enkuantu, tuir dadus to’o iha fulan Agustus tinan ne’e, benefisiáriu Ainaro no Bobonaro nian hamutuk inan isin-rua 832, labarik 6.318 no defisiénsia 11.

Nune'e, ba inan isin-rua sira sei simu $15.00 kada fulan, enkuantu ba labarik husi tinan 3 mai kraik sei simu $20,00 kada fulan no suplementu adisionál ba labarik ho defisiénsia $10,00 kada fulan.