Nova Zelándia afirma kompromisu apoiu dezenvolvimentu TL

Fevereiru 25, 2026

Nova Zelándia afirma kompromisu apoiu dezenvolvimentu TL ^Featured

By Cesarina de Carvalho Fevereiru 24, 2026 350

Embaixadora Nova Zelándia iha ASEAN no Timor-Leste, Joanna Jane Anderson, hasoru-malu ho Primeiru-Ministru, Kay Rala Xanana Gusmão. FOTO: Media G-PM.

DILI: Embaixadora Nova Zelándia iha ASEAN no Timor-Leste, Joanna Jane Anderson, hasoru-malu ho Primeiru-Ministru, Kay Rala Xanana Gusmão, hodi atualiza kompromisu atu fó nafatin apoiu ba dezenvolvimentu TL nian liu husi kooperasaun bilaterál.

Embaixadora Joanna hatete, Nova Zelándia nu’udár parseiru dezenvolvimentu Timor-Leste (TL) nian ne’ebé besik-liu iha área oioin, hanesan dezenvolvimentu ekonómiku, protesaun ambientál no ligasaun forte entre ema sira.

“Mensajen xave husi ami-nia diskusaun mak Nova Zelándia ho Timor-Leste sempre sai parseiru besik iha área oioin, nune'e Nova Zelándia iha kompromisu kontinua fó apoiu ba Timor-Leste," dehan Embaixadora Joanna, iha Palásiu Governu, Sesta (20/02).

Nia dehan, hafoin diskusaun, Primeiru Ministru, valoriza tebes relasaun Timor-Leste ho Nova Zelándia no hein atu hametin liu tán kooperasaun iha tinan hirak bá oin.

"Primeiru Ministru hein katak ita sei hametin liu tán kooperasaun sira ne'e iha futuru mai," katak nia.

Aleinde ne’e, nia dehan, Nova Zelándia mós apoia TL hodi sai membru plenu ASEAN iha tinan 2025.

Tan ne’e, iha hasoru-malu direta ho PM Xanana ne’e atu rona mós hanoin kona-bá vizaun TL nian iha ASEAN.

Rate this item

(0 votes)