Munisípiu 4 Sai Alvo Ba Rede Feto Halo Peskiza Heroina No Impaktu Media Sosial Featured

By Ivónia Varela Fevereiru 09, 2024 864
Prezidente Rede Feto, Zélia Fernandes. Foto:Media KI. Prezidente Rede Feto, Zélia Fernandes. Foto:Media KI.

DILI: Durante fulan haat (4) Organizasaun Naun Governamental Rede feto, halo peskiza ba Heroína no Impaktu Media Sosial ba sosiedade iha munisípiu haat.


Prezidente Rede Feto, Zélia Fernandes hatete, paskiza ba impaktu média sosiál sira halo hahú husi fulan-Novembro 2023 to’o remata, iha Munisípiu Dili, Baukau, Ermera no Manufahi.
Nia dehan, Rede Feto hili munisípiu haat ne’e tanba alvo ne’e sira deside atu halo peskiza mak ba Ensinu Báziku Terseiru Siklu, Sekundáriu, Universidade.
“entaun amostra populasaun ne’ebé mak ita hili ba iha peskiza ida ne’e ita tenki hili ho kahur no ita hare ba universidade iha munisípiu ne’ebé liu ida, ita konsege halo diferente ba iha estudante ensinu báziku, sekundáriu no ensinu superiór no adultu sira hodi husu adultu sira-nia perspetiva nia hanoin kona-ba impaktu média sosial,” dehan Prezidente iha salaun Rede Feto Kaikoli, Sesta (09/02).
Durante fulan haat nia laran Rede Feto uza formulasaun problema tolu ho identifika impaktu husi média sosiál ne’e rasik hanesan, importánsia média sosiál ba moris sosiedade nian loron-loron, plataforma media saída de’it mak sosiedade uza iha moris loron-loron, vantajem no desvantajem husi média sosiál no nia impaktu ba iha sosiedade.
“Husi alvo haat ne’e, ne’ebé ko’alia kona-ba importánsia média sosiál, kuaze 90% hatete média sosiál ne’e importante tebes, ho razaun katak média bele fasilita sira asesu informasaun, komunikasaun ba malu ne’e lais liu no ho kustu ne’ebé baratu liu,” katak nia.
Iha fatin hanesan, Sekretariu Estadu Igualdade, Elvina Sousa Carvalho hato’o apresiasaun boot ba Rede Feto hanesan organizasaun sumbrinha ida ne’ebé mak ho nia membro kuaze 46 hodi halo advokasia ba asuntu feto no labarik feto sira asegura implementasaun Planu Asaun Anual.
“Sim durante ne’e ema barak mak dun katak impaktu média sosiál mak dudu jovem sira hodi halo aktividade ne’ebé la produtivu barak, no aktividade barak mak la di’ak, no nia impaktu negative, los tanba ne’e mak prezensa husi peskiza ne’e para hodi hatene lolos hipótezes sira ne’ebé mak la’o,” tenik Governante.
Iha biban ne’e mos, sekretariu Estadu Komuniasaun Sosial (SEKomS), Expedito Dias Ximenes hatete, moris iha mundu média, oras ne’e dadaun la’os m’edia konvensionál de’it mak importante maibé plataforma online ne’ebé moris no buras mak iha TL no mundu tomak hatudu katak la’os ona jornalista ida mak sai produtór ba iha informasaun.
Maibé iha ema ida-idak ne’ebé iha telemovél android, hotu-hotu sai produtor ba informasaun, no diferensa ida ne’ebé sai iha jornal, rádio no televizaun ne’e liu husi prosesu edisaun, no ida ne’e halo notisia rasik iha telemovel dala barak hamosu hoax.
Enkuatu, konaba peskiza Heroina ne’e atu kontinua ba obra ka livru ne’ebé mak uluk membru rede feto OPMT inisia hodi hetan apoiu husi lidera nasional sira liu husi agariasaun ida bele halo peskiza ne’e ba inan feton sira hotu iha teritóriu tomak.

Rate this item
(0 votes)
Last modified on Sexta, 09 Fevereiru 2024 19:56

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30