Tuir komunikadu ne’ebé Online INDEPENDENTE asesu, kinta ne’e (18/08) iha pajina MTKI, relata, kompaña sira ne’ebé klasifikadu ba faze ida ne’e mak hanesan, empreza Jaque Unipessoal Lda, sei distribui iha Suku Ponilala Munisípiu Ermera, Zhovia Unipessoal Lda sei fahe iha Suku Ilat Laun Leber no Lour iha Munisípiu Bobobaro.
“Kompañia Levima Nalo Unipessoal Lda sei distribui iha Suku Leorema Postu Bazartete, Munisipiu Líkisa, D’mart Unipessoal Lda sei fahe iha Aldeia 7 Dezembru, Anin Fuik, Beto-Leste no Beto-Tasi iha suku Madohi Postu Administrativu Dom Aleixo,”dehan komunikadu refere.
Enkuantu no Atauro Agrobisnis Unipessoal Lda sei fahe iha Suku Macadade, Maqueli, Vila Maumeta, Beloi no Suku Biqueli.
Tanba ne’e, iha reklamasaun ruma kona-ba rezultadu ne’e, hato’o diretamente ba iha Diresaun Nasionál Aprovizionamentu durante loron-lima husi anúnsiu ne’e fó sai.
