MSSI Hahú Ona Halo Pagamentu ba Bolsa da Mãe Kondisionál

Jullu 27, 2024

MSSI Hahú Ona Halo Pagamentu ba Bolsa da Mãe Kondisionál ^Featured

By Ivonia Varela Novembru 19, 2023 1157

Ministra Solidariedade Sosiál no Inkluzaun (MSSI), Verónica das Dores, hato’o iha halo konferénsia impresa ho média sira hodi hato’o povu doben Timor-Leste relasiona ho karta ne’ebé haktuir husi Banco Nacional Comércio Timor-Leste (BNTCL) iha dia 14/11/2023 ne’ebé notifika katak pagamentu ba bolsa da mãe kondisionál no pagamentu pensaun sosiál ba faze daruak ba idozu no invalidus ninian daudaun ne’e Institutu Nasionál Seguransa Sosiál (INSS) hahú halo pagamentu husi kedas postu administrativu sei ba to’o suku no tuir data ne’ebé BNCTL fó sai. Foto:Media MSSI.

DILI: Governu liu husi Ministériu Solidariedade Sosial no Inkluzaun (MSSI) hahú ona halo pagamentu benifisriu Bolsa da Mãe kondisionál iha teritóriu laran tomak hamutuk 76.094.

Ministra Solidaridade Sosial no Inkluzaun Verónica da Dores hatete, iha loron 14 fulan-Novembro 2023 MSSI simu ona karta notifikasaun husi Banku Nasional Komersiu Timor-Leste (BNCTL) atu halo pagamentu ba benifisiariu Bolsa da Mãe kondisionál hahú husi munispiu, Postu Administrativu to'o suku.

"Kalendáriu ne'ebé BNCTL haruka mai MSSI mak hahú loron 15 fulan-Novembro no pagamentu ne'e la'o to'o 20 Dezembru," dehan Ministra Liu husi Konferensia Imprensa iha Edifisiu MSSI Kaikoli, Kinta (16/11).

Ministra afirma, orsamentu ne'ebé atu halo pagamentu ba benifisiariu Bolsa da Mãe kondisional hamutuk 4,565,640.00.

Husi dadus ne'e kompostu husi munisipiu Aileu Benifisiariu hamutuk 4453, Ainaro 5483, Baukau 6920, Bobonaro 7503, Kovalima 5419, Dili 8946, Ermera 5836, Lautem 5664, Likisa 5346, Manatuto 4302, Manufahi 5333, Vikeke 4813 no RAEOA 6076.

Rate this item

(1 Vote)

Last modified on Segunda, 20 Novembru 2023 11:56