MSSI-CLN Apoiu Ona Fós Saka 480 ba Komunidade Covalima Featured

By Saturnina da Costa Marsu 04, 2021 2012
Fos iha Portu Dili. Foto Dok INDEPENDENTE. Fos iha Portu Dili. Foto Dok INDEPENDENTE.

DILI:Governu liu husi Ministériu Soliedariedade Sosial no Inkluzaun (MSSI) hamutuk ho Centru Lojistika Nasional (CLN) apoiu ona fós saku 480 ba komunidade ne’ebé afeitadu iha munisipiu Covalima, relasionadu estadu emerjensia ba dala-XI, ne’ebé aplika lockdown iha Munisipiu refere.

Tuir Diretór Jeral MSSI, Rui Manuel Expostu hatete, fós ne’ebé Ministeriu  Soliedariedade Sosial no Inkluzaun (MSSI) hamutuk ho  CLN apoiu ba komunidade sira iha Covalima ne’e hamutuk saka 480.

“Ita distribui ona fós saka 480 no planu atu distribui tan maibé ita mós sukat kapasidade kareta,”dehan nia iha knar fatin MSSI, Kaikoli (04/03).

Iha sorin seluk Prezidente CLN, Augostu Junior Trindade hatete, apoiu umanitaria ne’e ba deit iha fatin ida ne’ebé afeitadu hela moras Covid-19 ne’e.

Entretantu, Prezidente Autoridade Munisipiu Covalima, Afonso Nogueira Nahak hatete, komunidade aldeia tolu iha postu Fatumea ne’ebé araska tebes atu sai ba mai, tanba ne’e mak fós saka 480 ne’e hodi ajuda uluk sira ne’ebé agora daduk afeita hela, ita hatene iha postu neen ne’e afeita hotu, maibé ita   ajuda etapa ba etapa.

Rate this item
(0 votes)

Independente Digital TV