“Inan-aman sira lebele lori deit oan sira mak ba simu vasina maibe inan-aman rasik lakohi simu vasina, maibé tenke servisu hamutuk hodi simu hotu vasina, atu nu'une iha uma laran ida individualmente hetan seguru husi Covid-19,”dehan nia iha EBC 30 Agustus, Komoro, kuarta horseik (27/10).
Tuir nia, vasina ne’e laos atu lori ema ba mate maibé oinsa atu haforsa imunidade ema ida-idak nian, hodi prevene moras Covid-19 atu labele hada’et liu tan.
Tuir dadus, husi Sentru Integradu Jestaun Krize (SIJK) to’o loron 27 fulan-Outubru 2021, total populasaun elejivel ho idade 18 ba leten, ne’ebé simu ona vasina doze kompletu iha teritoriu laran tomak, hamutuk 72.7%.
Enkuantu, total doze vasina Pfizer ne’ebé administra ona ba populasaun ho idade 12 to’o 17 hamutuk 1,221.
Asistente Editor: Saturnina da Costa
