Kompetisaun mldalidade Atletizmu, kategoria feto, jogu CPLP,atleta Cabo Verde, Silvania Gomes, hamonu matawen, hafoin mana medalla osan-mean, iha korida 200-metrus.
Atleta feto husi Cabu-Verde, Silvanilda Carina Delegado Gomes, fó momentu emosional no istoriku ba nasaun ho nia ekipa Cabo-Verde, hafoin halo rekordu iha proba 200-metrus atletismu, ho tempu final 25.23 segundu.
Atleta morena ne’e, kompete iha jogu CPLP 2025, iha estádiu municipal Dili no hetan medália osan-mean (Ouro), ne'ebé mak hanesan medália osan-mean primeiru ba Cabu-Verde, iha istoria jogu CPLP nian.
Atleta Silvanilda Gomes, halai no finaliza iha pozisaun ketak, hamonu matan-been, bainhira nia hatene aan katak nia hetan finál.
“Momentu ida ne’e la buat ki’ik, hau hakarak hatete obrigadu ba ami nia povu, treinadór no kolega sira. Hau sente kontente tanba foin agora Cabu-Verde sai parte ba istoria CPLP ho medália osan-mean ida,” Deklara Carina Gomes, iha momentu entre tanis no kontente, iha estádiu Munisipal Dili, Kuarta (23/07).
Nia haktuir, medália ne'e mak presiza ona tempu boot atu hetan, tanba iha kompetisaun sira liu ba dala-hira, nia la hetan.
“Maibé oras ne'e nia vencer atleta sira mak foin manan, hanesan husi Timor-Leste, Portugal, Angola, no Moçambique, ne'ebé sempre domina modalidade atletismu,” Nia relata.
Medália osan-mean ne’e, nia simboliza esperansa no motivasaun ba nasaun-ne'ebé la too agora domina, maibé kontinua hadi'a-an. Ezemplu ida mak Cabu Verde ne'ebé iha Jogu CPLP 2025 iha Timor-Leste mostra progresu no kapasidade ba atleta sira foun, atu hatudu nain iha loron ikus.
Entretantu, atelta refere rekolla ona madalla tolu mak hanesan medalla osan mean ida, osan mutin ida no osan metan ida.
