Ministru Komersiu no Industria, Filipus Nino Pereira hatete, iha aprezentasaun ne’e MCI mai ho tetu inisial ne’ebé Ministeriu Finansas atribui hamutuk milaun $4.9 ne’ebé aloka ba iha salariu vensimentu, bens no servisu, transferensia públika, kapital menor no mós kapitál dezenvolvimentu.
Nia dehan, hafoin simu tetu fiskal husi Ministeriu finansas, Ministeriu halo elaborasaun ba planu no programa sira no haree katak, orsamentu ne’e la sufisiente atu bele kobre programa sira ne’ebé ministeriu iha. Tanba, iha MCI husu tan adisional milaun $7.4 atu bele aloka ba iha salariu vensimentu nian no mós transferensia publika.
“Ne’ebé ami nia proposta ba adisional ne’e purvolta milaun $7.4,”dehan nia ba Jornalista sira iha Ministeriu Finansas, Aitarak Laran, Dili, Tersa (12/08/25).
Ministru Nino haktuir, ministeriu husu tan adisional tanba haree ba iha kategosia salariu vensimentu nian iha deit orsamentu rihun $900 resin, ne’e la sufisiente atu selu ba funsionariu sira iha ministeriu ne’ebé total hamutuk 611, kompostu husi funsionariu permanente iha na’in 208 no kazuais iha na’in 403.
“Ba kategoria salariu vensimentu 900, 000 resin hau sente katak ida nee la sufisiente atu halo selu ba ami nia fuhsionariu sira. Tanba funsionariu permanente iha MKI purvola hamutuk 208 depois kazuais iha 403 totoal hamutuk 611,” tenik nia.
Nia hatutan, orsamentu rihun $900 ne’e la sufisiente tanba kobre deit iha salariu baziku la inkku salariu desimu terseriu, subsidiuu no mós salariu reprezentasaun.
Ba transferensia públika nian, ministeriu hakarak kontinua ba mikro pekena no mediu empreza sira atu nune’e sira bele kontinua sira nia negosiu.
Enkuantu, ba kategória bens servisu balun ne’ebé ami aprezenta mós hodi beke kobre hotu ba iha programa funsiomanentu dezemvolvimentu, dezemvolvimentu insitutusionál no investimentu, no mós diversifikasaun Ekonomika.
“Ami haree katak ida ne’e importante liu, oinsá maka bele fó oportunidade barak liu ba diversifikasaun Ekonómiku no mós kriasaun empregu. Enkuantu ba kategória kapitál dezevolvimentu, ami foku liu bá iha dezemvolvimentu industria Masin tanba ita dehan katak industria masin ne’e prrsiza tebes,"hakotu nia.
