“Durante ne’e ita kordena ona ho eskola sira no mós inan-aman, hodi fasilita estudante sira simu vasina, atu nune’e labarik sira bele iha konkordansia hodi simu vasina,” dehan Ministru Edukasaun Juventude no Desportu Armindo Maia, iha salaun Delta Nova, segunda ne’e (15/11).
Nia hatutan, aleinde ne’e, Ministeriu Saúde mós halo ona sosializasaun kona ba vasina Pfizer ba eskola sira, hodi labele iha impaktu entre estudante ho professor sira.
Entretantu, estudante husi ESG Nikolau Lobato, Natersia A. Gonçalves, hatete, antes sira atu ba simu vasina, hetan uluk autorizasaun husi inan-aman.
Tuir nia, vasina ne’e seguru hodi prevene an husi moras Covid-19 atu labele hadae’t liu tan.
Tanba ne’e, nia rekomenda ba maluk estudante sira ne'ebé ho idade 12 to'o 17 atu labele tauk simu vasina, tanba vasina seguru hodi prevene moras Covid-19 no labele hada'et liu tan.
Entretantu, tuir dadus husi SIJK to’o loron 15 Novembru 2021, populasaun ho idade 12 to’o 17 ne’ebé simu ona vasina Pfizer doze dahuluk hamutuk 22,468 ka pursentu 12,4 (12,4%).
Asistente Editor: Saturnina da Costa
