Husi numeru estudante ne’e, kompostu husi departamentu siensia teknolojia na’in 223 no siensia sosial humanidade na’in 142.
Nia esplika, tuir kalendariu husi Ministeriu Edukasaun Juventude no Desportu (MEJD) ezame nasional no ezame lokal sei hahú iha loron 13 to’o 18 fulan-Dezembru 2021.
“Ho ida ne'e estudante husi ESG Nikolau Lobato ne’ebé sei partisipa iha ezame nasionál hamutuk 365,”dehan nia ba Online INDEPENDENTE, iha knar fatin segunda ne’e.
Iha fatin hanesan, estudante Natersia A. Gonçalves, hatete, durante iha situasaun Covid-19 materia ne’ebé sira simu balun la kompletu, maibé sira sei esforsu hodi kompleta materia sira ne’e, nune’e bele tuir ezame nasionál ba tinan ne’e.
“Durante pandemia Covid-19, ami nia matéria balun la kompletu no balu kompletu, maibé ami nudar estudante prontu tuir exame nasionál ba tinan ida ne'e,”dehan Natersia.
Entretantu, estudante ba primeiru no segundu ano iha eskola refere, konklui ona ezame ba periode datoluk nian.
Asistente Editor: Saturnina da Costa
