Domingu, 16 Maiu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-05-15&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: User Rate Limit Exceeded.
Ministeriu Edukasaun Juventudi no Desportu (MEJD) ofisialmente segunda ne’e (19/04) distribui ona materia rezumu periode dahuluk nian ba estudante sira.Foto:Independente Ministeriu Edukasaun Juventudi no Desportu (MEJD) ofisialmente segunda ne’e (19/04) distribui ona materia rezumu periode dahuluk nian ba estudante sira.Foto:Independente

MEJD Distribui Materia Rezumu Periode Dahuluk Ba Estudante Ensinu Baziku 1.170 Featured

DILI:Ministeriu Edukasaun Juventudi no Desportu (MEJD) ofisialmente segunda ne’e (19/04) distribui ona materia rezumu periode dahuluk nian ba estudante sira hamutuk 1.170 iha eskola Bazika filial (EBF) Balibar.

Ministru MEJD, Armindo Maia hatete, materia rezumu ne’e fahe mós ba eskola bazika Catolika (EBC) Durlau, EBF Ailok, EBF Lelaus no EBF Memorial Fatunaba.

“Materia rezumu ne’ebé ita distribui ba estudante sira iha eskola EBF Balibar mak hanesan, siénsia naturais, siénsia sosiais, matematika, jeografia, fizika, biolojia no mós desportu,”dehan nia iha serimonia lansamentu ba distribuisaun materia rezumu iha EBF Balibar, (19/04).

Nia esklarese, materia rezumu ne’e fó ba estudante husi klase 5 to’o klase 9, iha materia rezumu ne’e iha pergunta lubuk ida atu ajuda estudante sira bele estuda no prienxe iha uma.

Nune’e bainhira governu loke reativa hikas eskola sira, estudante sei intrega fali rezultadu husi rezumu materia ne’ebé sira simu ona atu nune’e professor sira bele halo fali avaliasaun.

Tuir planu MEJD sei distribui mós ba eskola sira seluk iha munispiu ne’ebé implementa hela serka sanitaria.

Molok ne’e, Ministeriu Edukasaun Juventude no Desportu (MEJD) liu husi Diresaun Edukasaun Munisipiu Dili fó ona orientasaun ba profesores iha kada eskola atu halo rezumu ba materia sira hodi fahe ba estudante sira.

 

Jornalista:Saturnina da Costa

Editor:Jose Sarito Amaral

Read 236 times
Rate this item
(0 votes)