MAPKOMS Prepara Programa Prioridade ba tinan 2021

By Agostu 19, 2020 3213
Ekipa MAPKOMS halo deskusaun ba programa prioridade tinan 2021 nian, iha Palacio Governu, kuarta (19/8). Foto MAPKOMS, Ekipa MAPKOMS halo deskusaun ba programa prioridade tinan 2021 nian, iha Palacio Governu, kuarta (19/8). Foto MAPKOMS,

DILI:Xefe Gabinete Ministériu Asuntu Parlamentár no Komunikasaun Sosiál (MAPKOMS), Jorge Geraldo Gama, lidera diskusaun téknika hodi prepara programa prioridade sira Ministériu nian ba tinan 2021.

Iha diskusaun téknika ne’e, ekipa define prioridade sira iha asuntu parlamentár nian no iha komunikasaun sosiál ne’ebé sei implementa iha tinan oin. Diskusaun ne’e hala’o iha Gabinete MAPKOMS, Palásiu Governu, loron 19 Agostu 2020.

“Tuir orientasaun Ministru Asuntu Parlamentár no Komunikasaun Sosiál nian, orienta atu iha definisaun prioridade sira ministériu nian ba tinan oin tenke fó kontinuidade ba programa no atividade sira ne’ebé dezenvolve ona iha mandatu Ministru Reforma Lejizlativa no Asuntu Parlamentár nian, tantu iha asuntu parlamentár no komunikasaun sosiál nian,” Jorge hateten,

“Tanba ne’e diskusaun ida ohin ami define, alvu prinsipál hosi prioridade sira asuntu parlamentár nian mak Instrumentaliza Koordenasaun ho Parlamentu Nasionál, iha ne’ebé konsentra iha programa Akompaña asuntu parlamentár no koordenasaun entre Governu no Parlamentu. Iha programa ne’e agrupa ho sub-programa rua, hanesan Koordenasaun Asuntu Parlamentár no Reforsa servisu Komunikasaun Sosiál Governu no Parlamentu Nasionál nian”, hateten Xefe Gabinete MAPKOS ne’e.

Iha asuntu Komunikasaun Sosiál nian, Jorge Gama, esplika, sei kontinua prioridade sira ne’e define tiha ona iha programa VIII Governu konstitusionál nian iha setór Komunikasaun Sosiál, hanesan; Apoia no reforsa Ajénsia Notísias Timor-Leste nian, TATOLI, Apoia no reforsa Konsellu Imprensa, nu’udár órgaun independente reguladór ba setór komunikasaun sosiál.

Aleinde ne’e Kontinua apoia programas diseminasaun informasaun kona-ba Asaun Governativa, hodi promove koñesimentu públiku nian ba asaun sira ne’ebé governu halo ho transparénsia ne’ebé boot liu kona-ba governasaun, Kontinua apoia RTTL, E.P. inklui hadi’a infraestrutura fízika ho atualizasaun ekipamentu tékniku, no mós iha implementasaun Planu Estratéjiku ida ba Imprensa, atu nune’e bele hadi’a kualidade ho kuantidade informasaun ne’ebé divulga, Propoin ba Parlamentu Nasionál atu aprova lejizlasaun hodi regula setór komunikasaun audiovisual iha Timor-Leste, Apoia Konsellu Rádiu Komunitária no estabelesimentu estasoins rádius komunitária foun, Apoia Asosiasaun Jornalista Nasionais no promove diversifikasaun órgaun komunikasaun sosiál iha nivel Munisipál.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31