Reuniaun Konsellu Ministru, diriji husi PM Taur Matan Ruak, kuarta ne'e (10/08). Foto:Media Gab. MPCM.
DILI: Governu liu husi reuniaun Konsellu Ministru delibera ona, hodi aprova prosedimentu aprovizionamentu, tuir konkursu públiku internasionál, hodi halo kontratu públiku sira ba konstrusaun eskema irrigasaun sira iha Laivai, ne’ebé lokaliza iha Munisípiu Lautem no iha Galata lokaliza iha Munisípiu Baukau.
Enkuantu, projetu ne’e aprezenta husi Ministru Agrikultura no Peskas, Pedro dos Reis.
“Projetu irrigasaun Galata sei kobre ho ektare 600 no sei benefisia uma-kain hamutuk 750,”dehan Ministru Prezidensial Konsellu Ministrus, Fidelis Leite Magalhães, iha Palasiu Governu, kuarta ne’e (10/08).
Entretantu, projetu ba irrigasaun Laivai sei kobre ektare 300, ne’ebé inklui natar ne’ebé eziste ona no sei benefisia ba uma-kain hamutuk 434.
Online Independente
Avenida Delta, Hudi Laran, Dom Aleixo
Dili, Timor-Leste
Jornalista:
Ivonia Varela
Kontaktu:
(+670) 77358204
(+670) 78579261
