Ministru Administrasaun Estatal Miguel Perreira de Carvalho hatete, Konsellu Ministru deside ona Prezidente Autoridade no Administrador Munisipiu hat, nune’e, prosesu tomada posse ba munisipiu hat lao hela.

“Tomada de posse ba Administrador Munisipiu Manatuto Bernardo Lopez halo ona iha loron segunda (28/06), nune’e ohin kontinua halo tomada de pose ba Prezidente Autoridade Munisipiu Ermera Eusebio Salsinha, no aban fó posse ba Prezidente Autoridade Bobonaro Ernesto de Oliveira Barreto,”dehan nia ba Online INDEPENDNTE iha salaun Laline-CNE, Colmera Dili, kinta ohin (01/07).

Ministru hatutan, aliende iha segunda semana oin, sei fó posse ba Adiministrador foun Munisipiu Likisa Pedro Paulo Moniz.

Entretantu, kandidatu ba Munisipiu Dili, juri halo ona Konsellu Konsultivu Munisipal no Prezidente Autoridade Munisipiu Dili hatama ona pareser husi KKM ba juri sira.

“Juri sei hato’o mai ha’u no iha fulan ida ne’e (Jullu) nia laran, ha’u sei haruka ba Konsellu Ministru atu bele halo deliberasaun hodi deside hili kandidatu ida sai hanesan Prezidente Autoridade Munisipal Dili,’tenik nia.

Asistente Editor: Saturnina da Costa