Segunda, 27 Setembru 2021 | Login
Rejultadu eleisun PPN ne'ebe publika iha jornal republika.  Rejultadu eleisun PPN ne'ebe publika iha jornal republika.

Liu Tiha Oras Balun De’it, Eleisaun PPN Públika Ona iha Jornál Repúblika Featured

DILI:Lalais liu ne’ebé konsidera Timor-Leste iha situasaun emerjénsia, liu tiha oras balun de’it hafoin eleisaun ba Presidente Parlamentu Nasionál foun, iha loron ne’ebé hanesan tersa horsehik, Parlamentu Nasionál públika ona rejultadu eleisaun Presidente Parlamentu Nasionál foun iha Jornal Repúblika.

Eleisaun ba Presidente Parlamentu Nasionál foun, Aniceto Guterres, tersa (19/5), maiu-menus iha oras 13:00 (meudia) ho votus afavor 40, abstesaun 0, kontra 0.

Hafoin anunsia rejultadu eleisaun PPN, iha lorokraik ne’e kedas maiu-menus tuku 6:00, INDEPENDENTE Online asesu akta rua iha media sosial kona-ba rejultadu eleisaun PPN.

Akta primeiru kona-ba eleisaun ba destituisaun Prezidete Parlamentu Nasionál Arao Noe, de Jesus Amaral no akta ida seluk kona-ba eleisaun ba Prezidente Parlamentu Nasionál foun.

Iha akta ne’e Prezidente Parlamentu Nasionál Interinu maka Maria Angelina atuál Vise Presidente Parlamentu Nasionál diriji meza ba eleisaun dala tolu iha loron tersa-horsehik inklui eleisaun ba ajenda plenária, eleisaun ba destituisaun no eleisaun ba Prezidente Parlamentu Nasionál foun.

Ofisialmente anunsia Presidente Parlamentu Nasionál maka Aniceto Longuinhos Guterres Lopes, Sekretaria Parlamentu Nasional en exersisiu maka Regina Freitas, no nia supervisor na’in rua maka hanesan, Noé da Silva Ximenes no Mariano Fatubai Mota.

Entretantu bankada CNRT mós ona keixa ba Tribunál Rekursu (TR) no Ministériu Públiku (MP) tanba konsidera eleisaun sira ne’e illegal ne’ebé viola konstituisaun no rejimentu parlamentu nasionál liuliu vise prezidente parlamentu sira la hetan delegasaun kompeténsia maibé ba lidera meza, ne’e nu’udar asaltu poder.

Read 2429 times
Rate this item
(0 votes)

About Author