Lere La Preokupa Se Mak Forma Governu Featured

By Marsu 05, 2020 2613
Komandante Lere Komandante Lere

DILI: Xefe Estadu Maiór FALINTIL Forsa Defeza Timor Leste (F-FDTL) Maijór Jenerál Lere Anan Timur deklara la preokupa see mak atu forma governu, importante mak governu tenke metin to’o 2023.

“Ohin loron ha’u rona dehan katak CNRT forma ona (koligasaun) atu lidera nono governu, ba ha’u see de’it forma governu ba ha’u laiha problema, ha’u-nia kestaun mak ida ne’e, governu ida tenke estavel, metin to’o 2023, atu ita evita eleisaun antesipada,” dehan Maijor Jeneral Lere.

Nia dehan, governu foun ne'e tenke metin no governu tanba eleisaun antesipada mós ladun favoravel.

“Ha’u hanoin governu tenke metin, governu ida ne’ebé labele frazil tanba ita haree ba ne’e eleisaun antesipada mós ha’u hanoin katak ladun favoravel, agora see maka forma governu, forma ba, ami laiha problema no ami laiha kompetensia atu ba to’o area ida ne’e. Maibé ami husu de’it estabilidade governamental, ida ne’e mak importante liu,” dehan nia.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31