×

Atenção

JUser: :_load: Não foi possível carregar usuário com ID: 430

Komoro ho Bairru-Pite, Fatin Potensia ba Konflitu Featured

By Marsu 13, 2017 1124
Dezenho Kapital Dili Dezenho Kapital Dili

DILI: Tuir identifikasaun husi Komando Polisia Nasionál Timor-Leste (PNTL) Munisipiu Dili, Komoro no Bairru-Pite sai hanesan fatin ne’ebé potensial ba konflitu.

Komandu Daruak PNTL Munisipiu Dili, Superintendente Asistente Euclides Belo informa, dadaun ne’e PNTL idetifika ona fatin sira ne’ebé sempre hamosu konflitu, liliu iha kapital Dili.

“Ami idetifika ona fatin ne’ebé mak sempre hamosu konflitu iha Dili laran mak iha area Komoro nian,” dehan Euclides ba jornalista sira iha Komando PNTL Munisiu Dili, Sesta (10/03).

Iha area Komoro, fatin sira ne’ebé Komandu identifika mak iha area Beto, Raikotu (Tasi-Tolu), Kampu Baru, Bebonuk, Tuti (Aimutin).

Ba area Bairru-Pite, fatin sira ne’ebé potensial mak Hudi-Laran, Fatuhada, Surik Mas, Kakau Lidun, Kintal Ki’ik no Kintal Boot.

Tan ne’e, nia dehan, Komando PNTL Munisipiu Dili orienta ona membru sira hodi halo segurasa iha fatin risku sira.

Despaisu PM Rui ba PNTL

Entretantu, atu prosesu kampaña kandidatu Prezidente Repúblika sira bele la’o iha ambitu paz no hakmatek nia laran, Primeiru Ministru Rui Maria de Araujo hatun despaisu ida ba Polisia Nasionál Timor-Leste (PNTL) atu halo kapturasaun ba ema ne’ebé la kumpri orden, liliu iha fatin públiku.

Superintendente Asistente Euclides Belo dehan, PM hatun despaisu ba Ministru Interior hodi husu ba PNTL atu tenke atua situasaun ho rigorozu.

Nia dehan, despaisu ne’e atu labele fó oprtunidade ba apoiante kandidatura PR ho Partidu Politiku sira atu halo konvoiu la tuir regra ho atividade dezorden no ajitasaun propaganda.

“Despaisu ne’e espesifikamente mai ami (Polisia) hodi kaptura ita-nia sidadaun sira hala’o dezorden, liliu iha fatin públiku,” dehan Euclides.

Tan ne’e, nia apela ba apoainte kandidatu PR no Partidu Politiku sira atu di’ak liu hakmatek no labele kria situasaun ne’ebé prejudika estabilidade.

Euclides afirma, PNTL prontu ezkuta orden ne’ebé Xefe Governu hatun ona.

“Ba sidadaun see de’it mak gosta provoka situasaun, polisia la tolera, (sei) kaptura hodi submete ba prosesu investigasaun hodi nune’e haruka ba Tribunal,” katak nia. 

Rate this item
(0 votes)

Independente Digital TV