×

Atenção

JUser: :_load: Não foi possível carregar usuário com ID: 430

Governu Asina MoU 240, Implementa De’it 21 Featured

By Marsu 13, 2017 1668
Ministru Interior ho Ministra Solidariedade no Sosial Governu Timor-leste asina MoU kooperasaun ho pas sira seluk Ministru Interior ho Ministra Solidariedade no Sosial Governu Timor-leste asina MoU kooperasaun ho pas sira seluk

DILI: Durante tinan lima Governu ukun, konsege asina Memorandum of Understanding (MoU) hamutuk 240 ho nasaun doadór sira. Maibé husi númeru ne’e akordu 21 de’it mak konsege realiza.

Ne’e duni, Prezidente Repúblika, Taur Matan Ruak, sente preokupadu bainhira embaixadór sira ba aprezenta karta kredensial ba nia hodi hato’o keixa katak, governu asina akordu barak la konsege implementa.

Nia fó ezemplu, Embaixadór nasaun Qatar nian lamenta katak, nasaun rua ne’e asina ona akordu balun hodi implementa, maibé abandona to’o ohin loron.

Taur dehan, Ministériu Negósiu Estranjeiru no Kooperasaun (MNEK) rasik laiha baze dadus kona-ba akordu sira ne’ebé asina.

“Embaixadór sira mai keixa, señór prezidente, nasaun hotu-hotu hakarak asosia susesu Timor nian, maibé iha akordu barak sira (governu) la implementa”, dehan nia, bainhira soru-mutu ho jornalista sira iha Palasiu Prezidensiál, Sesta (10/3).

Taur dehan, bainhira embaixadór sira levanta problema ne’e, nia rasik informa ba Ministériu Negósiu Estranjeiru no Kooperasaun (MNEK) atu haree kestaun ne’e, maibé too agora la hetan rezultadu.

Tuir nia, kuandu akordu ne’e maka governu la implementa, oinsá mak TL bele manan konfiansa husi doadór sira.

Ho problema ne’e, Taur dehan, dala barak nia lakohi vizita ba rai li'ur hodi asina akordu kooperasaun barak, tanba ta'uk la implementa.

Xefe Estadu hatutan, to’o agora nia hein hela relatóriu husi governu atu informa ba nia akordu hira maka konsege implementa no hira maka la konsege implementa to’o 2017. 

Rate this item
(0 votes)

Independente Digital TV