Koligasaun Foun iha Direitu Buka Lialoos Featured

By Aquino Gomes Maiu 04, 2020 1827
Xanana ho nia advogadu sira iha konferensia ba imprensa. Foto Jonio da Costa/INDEPENDENTE Xanana ho nia advogadu sira iha konferensia ba imprensa. Foto Jonio da Costa/INDEPENDENTE

DILI: Bankada Partidu Libertasaun Popular (PN) haktuir koligasaun foun lider husi Partidu CNRT no nia aliadu sira iha direitu atu hatama petisaun ba Tribunál Rekursu hodi hetan lialoos.

Vise-Prezidente Bankada PLP, Francisco de Vancocelos hatete,  iha konstitusaun konsta Parlamentu Nasionál no kualkér sidadaun bele lori  dezisaun Prezidente Repúblika lori ba Tribunál Rekursu hodi deside.

 “Ida ne’e sira (koligasaun foun) nia direitu duni, hakarak atu buka lialoos, lialoos mak iha Tribunál Rekursu, duke ida-idak halo tuir nia intepretasaun,” dehan, Francisco, iha Parlamentu Nasionál, Segunda (04/05).

Tuir nia, iha nasaun demokratiku,  orgaun ida-idak hala’o nia knaar hodi ezerse funsaun, maibé desizaun ultimu rekursu hotu-hotu ba iha Tribunál Rekursu, mak foin Tribunál Rekursu halo nia intepretasaun hodi deside.

Maibé atu aprezenta ba Tribunál Rekursu sira tenke hatudu faktus, violasaun ne’ebé Prezidente Repúblika halo.

Tanba liberdade espresaun no liberdade kompetisaun ba Tribunál Rekursu kontextu disizaun ruma, kualkér lei no desizaun ruma tenke lori ba Tribunal Rekursu ne’e aktu normal.

Koligasaun foun ne'ebe lidera husi Kay Rala Xanana Gusmao naksobu fali ona hafoin aliadu partidu KHUNTO retira husi koligasaun ne'e. 

Enkuantu Xanana Gusmao responde karta ofisial retirasaun husi partidu KHUNTO katak, CNRT la hirus, maibe ezije KHUNTO atu liu husi kongresu extraordinaria.

CNRT ho nia aliadu, Partidu Demokratiku (PD), UDT/PUDD, Frente Mudansa prepara ona karta petisaun ba Tribunal Rekursu, tanba konsidera desizaun Presidente Republika Fransisco Guterres Lu Olo inkonstitusional. 

Entretantu Konselleiru Maximu partidu KHUNTO, Naimori Bucar hatete, iha tempu badak sira sei halo kongresu extraordinaria no hatoo mos karta ba Tribunal Rekursu hodi hasai sira husi lista koligasaun foun.  

Rate this item
(0 votes)

Independente Digital TV