Sexta, 24 Setembru 2021 | Login
Logo PLP. Logo PLP.

Bankada PLP: Insidénsia Parlamentár Di’ak Liu Featured

DILI: Bankada Partidu Libertasaun Popular (PLP) haktuir tempu agora ne’e tenke iha insidensia Parlamentár hodi apoiu kualker Governu.

Vise-Prezidente Bankada PLP, Francisco de Vancocelos hatete, politika agora iha Timor modelu saida de’it bele opta, maibé importante mak asegura funsionamentu orgaun estadu hotu.

Tuir nia, Primeiru Ministru retira tiha ona karta demisaun signifika mantein iha konstitusaun Governu nia mandatu remata, bainhira  Prezidente Repúblika  simu demisaun PM ka hahú lezislasaun foun, no eleisaun foun.

“Maibé agora Governu sei iha, insidensia Parlamentár bele mosu iha ne’e (Parlamentu Nasionál) hodi hamosu konsentrasaun politika importante asegura modelu saida deit,”dehan nia, iha Parlamentu Nasionál, segunda (04/05).

Nia dehan, PLP nia konkluzaun koligasaun atu mosu maioria absoluta, maioria kualifikadu laiha sentidu, maibé agora ne’e vontade politika mak sai determinante.

Tanba tuir nia katak, Governu sei iha dalan atu bele aprezenta fali orsamentu Jeral Estadu 2020 nian mai Parlamentu Nasionál.

“Dia 15 de outubru bele aprezenta orsamentu jeral estadu ne’ebé lalika monu ba jurista sira dehan ida ne’e labele no balun dehan to’o 2021 mak bele aprezenta ha’u lahatene ne’e aprende husi ne’ebé, lé mós la komprende,”dehan nia.

Nia akresenta, Governasaun di’ak liu mak partidu ida manan mesak mais, iha Timor-Leste ne’e laiha partidu ida mak manan mesak, tanba nia diak konsentra insidensia Parlamentár hodi konsentra hanoin hotu iha Parlamentu Nasionál apoiu ba  kualkér Governu.

Read 2586 times
Rate this item
(0 votes)