Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Labarik na'in rua ne'ebe han hela susu been rahun. Foto:Pajina Kristy. Labarik na'in rua ne'ebe han hela susu been rahun. Foto:Pajina Kristy.

Kirsty Husu Governu Ho Kompaña Labele Distribui Susu-Ben Rahun Ba Labarik Iha Sentru Evakuasaun Featured

DILI:Kirsty Sword Gusmão husu ba na’in ulun sira, kompaña no organizasaun internasional atu labele distribui susu-ben rahun hanesan indomilk, nestle, enerjen, dancow no seluk tan ba labarik sira sentru evakuasaun.

Nune’e mós, ho aihan ne’ebé nakonu ho masin midar, tanba iha situasaun emerjénsia bee araska no produtu sira ne’e bele provoka moras gastro todan.

“Iha labarik na’in rua ne’ebé han susu been rahun “bubuk” la kahur ho bee diretamente husi pakote no desidratasaun (bee menus), to’o inan balu deside hodi hapara fó susu-been inan ba sira-nia oan, ho konsekuénsia sériu ba labarik sira-nia nutrisaun no saúde,” dehan nia iha pajina Facebook ne’ebé Online INDEPENDENTE asesu, segunda ne’e (31/05).

Entretantu, ho situasaun ne’e Fundasaun Alola halo nia servisu hodi hala’o workshop iha sentru evakuasaun 22 no envolve família 1,030 hodi koalia kona-ba aihan saudável, baratu no sustentável ba labarik sira.

“Bainhira ita fahe produtu husi kompañia multinasionál sira, ita ajuda de’it sira atu sai riku liután enkuantu ita nia oan sira hasoru mal-nutrisaun no moras oioin”,tenik Kristy.

Nia rekomenda, hanesan membru estadu iha Assembleia Mundiál ba Saúde, Timor-Leste iha obrigasaun atu tuir Kódigu Subtitui Susu-bee inan, ne’ebé bandu kompañia sira atu fó doasaun produtu sira hanesan Indomilk, Dancow no seluk tan ba inan sira iha situasaun emerjénsia.

“Violasaun seluk ba kódigu ne'e ita bele haree iha loja no até iha fasilidade saúde balu”, nia informa.

 

Asistente Editor: Saturnina da Costa

Read 150 times
Rate this item
(0 votes)