“Dadus provizoriu ne’ebé ami simu hamutuk 5,095 husi entidade empregador iha 1,311 no traballador fakultativu iha 3,784 ne’ebé ita verifika ona,”dehan nia ba jornalista sira iha knar fatin, INSS Kaikoli, segunda ohin (31/05).
Nia relata, Munispiu lima ne’ebé seidauk submete dadus mai iha INSS mak hanesan, Baucau, Ermera, Aileu, Vikeke no RAEOA.
Tanba ne’e, ba Munispiu lima ne’ebé seidauk submete dadus , INSS simu ona informasaun husi tekniku no ekipa rekollamentu dadus rekuperasaun ekonomia iha Munispiu Baucau no Vikeke katak, sira iha ona fronteira, nune’e hein hela polisia atu simu dadus refere.
Ho nune’e, atu halo pagamentu ba empregador no traballahor fakultativu hein verifikasaun dadus hotu.
Enkuantu, empregador no traballador fakutativu sira ne’ebé rezistu foun ba rekuperasaun ekonomia hahú iha loron 4 to’o 27 fulan-Maiu tinan 2021.
Ba empregador no traballador sira ne’ebé rezistu nanis ona iha INSS sei simu rezistu to’o iha fulan ikus Juñu 2021.
Asistente Editor: Saturnina da Costa
